بسم الله الرحمن الرحيم
هذه ألقصيده قالها الشاعر سعد البراق في احد المناسبات لقبيلة ألثبته عندما دعي لها في منطقة (تبـــــوك)
سلام الله على ســـــــــــاس لبوي وساس جداني=ثبيت أهل الوفاالطيب والمــــعروف والقاله
بعد جتني عــــــزيمتكم وجــــــــيت لازم اخــواني=ورجـــل بلا حميه في حـياته مــوته اشواله
أنا فــــــألازم افـــــدا عـــــزوتي برقـــاب ورعـاني=الاد ثبيت درع الـــجنب عـزالـرس وضلاله
الاد ثبيت هــــــم ربعي ضــــــــيوف ثبيت ضيفان=هلا حـياكم الله عـــــــــد غيثِ هـــــل هماله
هــــــلا مليون بالـــقاصي هــــــلا مــليون بالداني=هذا الترحيب بسم تثبيت للمـحفل ومن جاله
رجال اثبيت قوم الـــــسيف وأهل الضيف والعاني=الاد ثبيت ساس الـــعرف والنخوات والطاله
مقر العرف عند اثبيت مـــن مـاضيت ألازمــــاني=ومنا مـــــــــرضعة سيد الأنام وعــندنا خاله
ومنا أبوعتيبة بن هـــــليل شيـــــــخ شيــــخاني =ومنا مطلق الشاعر لــــــــــذيذ الشعر بقواله
ومنا محمد بن اتويم وابن دخـــــــــــــين ذيباني= ومنا رحـــــيم المــــذكــور ماتنضام في جاله
ومنا حــاسب الأنجم عـــــــــلى قـــولٍ وبرهاني=وفينا للــــــزوم رجـــــــال فــــــــتاله وحلاله
ومنا مكـــــــــرم الضيفان راع الـــجود هملاني=كريمن يكرم الـــــــضيفان مايبخل على ماله
ثبيت إصرار واللصة سوات السيف شــــاماني=اله حدين فالـــــــــــــوقفات والصملات قتاله
ألا ياربعي الــــــــــــوافين الاياطــوال الإيماني=حذارى لا يجي في صفكم عـــــــدله ولا ماله
حصنكم يـــا ثبيت ايكون ثابت فـــوق سيساني=ومن شفتوه يعــــــوج صفكم فال القشر فاله
على جنب اتركوه وجنبوه ارخـــيص الاثماني=وحذرا فــــــزعته تطلب وحذرا يوخذ أريـاله
يالين ايعود لــــــــــربعه ويلـــعن كل شيطاني=ولن عيا أمــــــــــــــانه كيلو له نفس مكياله
وحذر ثم حذري من يقول أفــــــــــلان لفلاني=هل ألنمه هل النمات خـــــــــــــوانه ومحتاله
وحذري لا يجي في نــــــاركم عودن ودخاني=تكون الـــــــنار مشبوبة مابين الناس شعاله
ولازم لازم الأول يــــراعي هــــــفوت الثاني=ومن ضده زمــــــــــانه ياحذارى يترك لحاله
ترى ديره بليا حـــــــيد يحميها ومـــــز باني=تفلي في عــــــربها يارجــــــــال اذياب فلآله
انا منكم ونافـــــــــــــــيكم يحباني وصدقاني=كلام قاله البراق مـــــــــــــاهو مرسل رساله
ونا طالبكم المعذار لــــــو هـــــوابي الساني=ورجل بلا حميه في حــــــــياته موته اشواله
وصلاة الله على خير البشر من نسل عدناني=محمد عــــــــــــندنا راضع وفينا ينوجدخاله