[الخــراص]

نصيحه من القائد تركي بن حميد

[glow=009966]

يامحلا ياعبيد في وقت الأسفار=جذب الفراش وشب ضو المناره
مع دلةٍ تجذى على واهج النار=ونجرٍ ليا حرك تزايد عباره
النجر دق وجاوبه كل مرار=مالفه الملفوف من دون جاره
وأخير منها ركعتينٍ بالأسحار=لاطاب نوم اللي حياته خساره
تلقاه في يومٍ يضيعن الأفكار=يومٍ على المخلوق مااطول نهاره
وقم في قصير البيت حشمه ومقدار=لو جارفادمح له ولوبه خساره
ترى النبي وصى على الجار لو جار=خذ الحذر ياعبيد عقب النذاره
رافق قوي الدين حفاظ الأسرار=ينفعك في يومٍ يجيبه كراره
ترى الهوى والغي هن شر الأشرار=ومن داس عار الناس داسوا لعاره
جنب ردي الكار مافيه تعبار=مافيه من فعل المناعير شاره
جنب عنه خله لقصاف الأعمار=وأحفظ وصاتي يارفيع المناره
وأسلم ودم بالخير ياطير غيمار=وصلوا على المختار ماغار غاره

[/glow

]