محمد صالح العطاوي
ياسلامي سلامن فيه علمن جديد=ومن يعشق الجزيله ياعرب نالها
ودى بشاعرا قلبه سوات الحديد=ولاتهم اليال اقفاى واقبالها
سلمان الروقي
مرحبا يامحمد ثم هات المفيد=هات جزل السوالف واترك اهزالها
جاك شاعر وراسه يامحمد عنيد=كلمت(ن)محتميها واحدن قالها
محمد صالح العطاوي
البقا يامرحب عقب جاك القصيد=والعرب تالي الايام وش حالها
خابرينك عنيد وجعل حضك سعيد=وكل عقده لها بالوقت حلالها
سلمان الروقي
شوفتك يالعطاوي تعتبر يوم عيد=والجماعه بخير وطيب(ن)فالها
الهوايل مع الايام صارت تزيد=ذا ينزل حموله ذاك يشتالها
محمد صالح العطاوي
خلك مع الليالي ياصحيبي شديد=وخل همك علوم الطيب واسعالها
لاتروح بعيد ولاتفكر بعيد=دام بنت الهلالي فكت اعيالها
سلمان الروقي
فيه سيف المثنى وين سيف الوليد=كل مهره تطيبع بعزم خيالها
انت تبغاوربك يفعل اللي يريد=مشكله عرضها زايد على أطوالها