الهيـــــــــــــلا *** منتدى قبيلة عتيبة - عرض مشاركة واحدة - ]>> جاني طرب!! (2) قصة في قصيدة <لاتفوتك<

المسعودي2004 · 10-Sep-2004, 07:21 PM

>> جاني طرب!! (2) قصة في قصيدة <<

هات الدواة وقرب الكيف يازيد
طاب السهر مع نور قلبي وعيني
قالت فقدت الحب بعدك ولا أريد
الا انت ياعيد الليالي تجيني
قلت أقربي مني عسى يومك اسعيد
انتي بريتي الحال واضحى حزيني
مير الوعد باكر قريب الى ريد
ويسره ربى الملا ياحنيني!
ماكرك اعرفه من ورى طويق البيد
وانا ولد مسعود حر أميني
مالي بشر(ن) بيك وان كنت انا اريد
قرب حلال(ن)ا مرخصا له ثموني
قامت تبسم تنتخي سعد هالعيد
الي جمع مع شقته نور عيني
رحنا على ضفة نهر تو ماشيد
بين الثرى ويا الثريا بينيني
تحدر العبرات مثل العباريد
في خدها من فرحها ذابحيني
واقبل هوى(ن) قد طاب ثمرة عناقيد
قالت توحى!! كل مابي حنيني
انشهد ان الحب ظالم إلا بيد
والي فزع له حظ يفرح يقيني
انا الحظيظة اليوم شفتك بعد عيد
ياسعد كف(ن) ضمتك باليميني
انا أحبك زود كلك وما ريد
الا انت ياشوقي عذابي السنيني

د.المسعودي
أدنبرة – بريطانيا
10سبتمبر 2004