-
آل حتيرش :وهم ذرية (سعد بن حتيرش) ومنهم أسر كثيرة في بقعا وحائل والقصيم ، وال حتيرش هم النبيقان والواكد والواكد هم المطيلق والعبيدالله والمحسن والعوض والطلاع العيد والزعيري والمحمد والصقير والمقبل والعطيه والمزعل والمنيع في بقعاء والسعيد والعقلاء في حائل والرشودي والضحيان بالقصيم والواكد بالعيون بالاحساء
قصيدة شايع الأمسح يمدح الشيخ / سعد بن حتيرش والقصة معروفه لدى الجميع ومشهوره
قال ابن مرداس فتى الجود شايع=حداني زماني والحمـــول ثقـــــــــال
ذبحت عدواني واطفيت نارهم=والـــدم مــــــن درب المهند ســــــــال
وزبنت من كان الصهيدا مقرهــــم=عمى عين من خلى الطريق وعال
معشي الخطار في ليلة الدجـــــــــا=اذا جوه جوعا والركاب هــــــزال
سعد زعيم للسواعد هل الوفـــــــــا=يفخر به اجيال وراها اجيــــــــال
جاد وعطاني من جواده سلالـــــــة=ايضا من الغيد الرواس جـــــلال
ارخص بهيقا هي ووحير ابن مفلح=من الغرس مزوي عليه ظـــــلال
وانا شف بالي غلمة اعتزي بهـــــم=ان قيل حماي الجراير صــــــال
على النضا هي والرمك مسرجينها=من فوقهن عود القنا ورجــــــال
يقودها المصطور سعــــد الحتيرش=الاسعدي عرب الجدود وخـــال
ظعونهم تشبه مزون تمركــــــــزت=من العد زاعوا للربيع شمــــال
شتوا بحد الحزل ايضا وربعـــــــوا=والريم عنهم عن مربه جـــال
من ظل مشموخ البنا قصر مــــارد=من الخوف ما دبت عليه نمال
ان كان به جار عزيز مــــــــــــدلل=جار ابن حتروش ربا بدلال
سقـى الله دار قد سكنها العتيبي =سقاها من النو الثقيل خيـال