علي فلاح العضياني
سلام رديّةٍ تشرح صدور الرجال=تطيب من طيب راعيها و من طيبها
عليك شرهه كبيره يابن عمّي طلال=سوّيت لك دبرةٍ ماني براضيبها
طلال الثعلي
يامرحبا عد ماحنت رعود الخيال=من ربعك اللي تكثر لك تراحيبها
انا ماحب المجامل ياكريم السبال=اقولها وانت لك سمعين توحيبها
علي فلاح العضياني
خابرك تاجر و عندك مكسب و راس مال=بالعمله اللي تبيع بها وتشريبها
الله يسلمك بعض الهرج ماله مجال=شرهة ضيوف الشرف على معازيبها
طلال الثعلي
عزيمة الطيبين اللي تهد الجبال=لكن ويش الوصاه اللي توصيبها
ان كان تبغ الإجابه عقب جبت السوال=هذيه اول ضحية جيت اضحيبها
علي فلاح العضياني
ترى السوالف كثيراتٍ عراضٍ طوال=من الافضل إن بعضها مثلك ما يبديبها
إن كانك انته تشوف الضيف ذبحه حلال=أهل المواجيب ما تترك مواجيبها
طلال الثعلي
ان كان تبغا الحقيقه لايطول الجدال=ياعلي عندك علوماً ..ثانيه جيبها
انته من ام القرى وهوه من اهل الشمال=الناس هذي ماندري وش نسويبهاا