سلطان الجـذع
ياعلي يابن فلاح الليل ...من فضلك ثواني =ولاتبشر نفسك الليله وانا أخوك بسعدها
القضاه من المحاني ......والقضيه فالمحاني =مات ابوها العود مبطي ,,,وامس قد شيّب ولدها
علي فلاح العضياني
كل ما ناديتني جاوبك دكتور المعاني=والعوافي ضافيه والناس تنعم في بلدها
القضاه اللي يحلّون القضايا من زماني=لو تعقّد يالجذع بيدينهم حلّو عقدها
سلطان الجـذع
اشهد . أن الوقت زايل واشهد ان العمر فاني =المنيه كل يوم تنزع الارواح يدها
الطمع فالوقت ...ياما فرق ظعون الخواني =مار طيعوني ....وخلوا وأأد بقعاء في مهدها
علي فلاح العضياني
انت رجّالٍ تقلّب فالزمان القلباني=لا تدوّرها ترى من دوّر الحاجه وجدها
العلوم الطيبه مطلب طويلين اليماني=تعرف انّ القمّه العليا تنومس من صعدها
سلطان الجـذع
المفرق مايفرق فالسنان وفي لساني =والعضياني بخيص بالعدود اللي وردها
سرج الاكحل ..بعد فقده مالقيتوا له حصاني =كل واحد يدعي في حجه فاقد سندها
علي فلاح العضياني
يعني لسانك كذا ياصل ليا روس الاذاني=المصايب فوق راسك تبرق ويرعد رعدها
سرج الاكحل والشداد اللي على الحرّ العماني=ما تغيّر والعلوم الثابته خصمي جحدها
سلطان الجـذع
لاتعكس العلم وانته خابرينك ماتداني =ان بغيت الخير سالم ....وان بغيت الشر عدها
رايكم شتان مثل الجدي وسهيل اليماني =اتفقتوا فالخيام ولا اتفقتوا في عمدها
علي فلاح العضياني
من يضويها على راسه يحصّل علم ثاني=و ان فتح عينه و بحلقها يصادفها رمدها
مايفرقنا فلان و لا يفرّقنا فلاني= ليت ابوك الليله اللي ما ربح منها رقدها