[سعيفان الهيلا]

يا اخوان انتم ما قصرتوا لكن فيه فرسان معروفين ولا يمكن اذا عدو فرسان المقطة خاصه والعتبان عامه ينساهم احد لان شهدت لهم الغزوات التى خاضوها في حياتهم للدفاع عن القبيله من امثال :::

1)شافي بن دالي وهو اول من خاض معركة الرحا وقتل الشيخ الفريدي من امراء قبيلة حرب وقال الشاعر فراج التويجر في قصيدته يوم الرحا
شافي جدع ولد الفريدي بينهم ==== بردنية بالجوف عمق صوابها

وقتل ابن جبرين من شيوخ شمر يوم غزاء عليهم ابن رشيد على عروى

وأخذ الثأر من القحطاني اللي قتل عيال محمد بن هندي

والمشكله ان الفارس شافي بن دالي من الفرسان اللي ما نسمع ذلكرهم الا نادر من الشيبان كبار السن ( منهم من قضى نحبه ومنهم من ينتظر) ونسوهم الكتاب الحديثين في الكتب والانترنت ويكتفون بذكر الامراء المعروفين اقصد اهل الشداد وينسون من ساندوهم عند دوران رحى المعركة واشتداد وطيسها

2) دالي بن مثيب السعيفاني
3) مطبح بن حشران كان من ضمن الفرسان اللي ردوا البل المغاتير يوم اخذها ابن رشيد يوم الرحا
4) شبيب بن دواس من العلابيه
5) كميخ الكلب من الخمجان
6) بليل الزير من السعافين
7) فريج بن ساطي ===
8) عيد بن ساطي ===
9) غازي بن شافي بن دالي من اللي شاركوا في توحيد المملكة وقت الملك عبدالعزيز ومات في غزوة العقبة مع الامير جهجاه بن حميد رحمهم الله جميعا
10) سواحل من العلابيه

والفرسان كثيرين لاكن المذكوين اعلاه اللي انا ذكرتهم الآن واذا ذكرت احد سارجع واكتب مره ثانيه حتى لا نظلم احد منه

ويجب حصر جميع فرسان المقطة وضعهم في موضوع مثبت في هذا المنتدي للمبارك ويجب علينا الرجوع لكبار السن الموجودين الآن ومعرفة الفرسان المنسيين وجدولتهم ضمن القائمه والتأكد من الفارس والغير فارس لآن اكثر الناس يقول للرجل الطيب والشجاع والكريم فارس وهو غير ذلك لآن الفارس هو اللي يجيد القتال على الخيل وبعض القبائل فيها رجال طيبين يقاتلون بدون فرس او حصان وهذي ترجع لعدم امتلاكه للخيل او لا يجيد ركوبها ويقولون كبار السن ( لا يقل لمثل هذا فارس) هذا اللي انا عرفته منهم
والله اعلم