[داهية عتيبة]

الرسالة الأصلية كتبت بواسطة كاسر الحايم

يامل قلب بين الاضلاع ماجي = موجة خفيف الريش في يوم عجة
ونة قريصن مالقولة علاجي = سم الحنش من عكف الانياب مجة
وعزاه ياقلبن طواه الخلاجي = ولابان اله من غض الانهاد حجة
لو حاصلن بيني وبينه مناجي = سوالف طرفه على غير لجة
خلي ثقيل القلب ماهو رواجي = قطع النزاع اليا حصل فيه سجة
ماقيل يم بيوت الادنين داجي = والا الى النزل المقابل توجة
والخد براقن سراله سجاجي = يسلب طمان القاع سيله يخجة
واليا نظرت الجبهته والحجاجي = نون بحرف الزاج بالحبر رجة
قبل احسبني سالمن منه ناجي = واثره رماني بالعيون الملجة
عين العنود اللي ترب الزراجي = فزت وفزت واعرضت عقب هجة
ايا شراب الزنعبوط الهماجي = وايا المطر قبل الرواعي ترجة
وعزي المن مثلي المثله يراجي = وعليه قفل الباب عسر مهجة

...
الله الله


صح لسان الشاعر


غزلية في قمة الروعة



تسلم أخوي كاسر الحايم



تحياتي ,,