هنيدس الروقي
السلام عليكم
ذكرت في موضوعك ان عمير بن راشد بن شهوان الضيغمي الشريفي العبيدي القحطاني
من قبيلة عتيبه وبالتحديد من الاساعده من روق
وهذا الكلام خالي من الصحه وانت جاي تبي تغير واحد من اشهر فرسان الضياغم الا روقي من اللي بيصدقك
ياخي اذا انت من قبيلة عتيبه وهي من القبايل العريقه في الجزيره
وتغالط التاريخ بهذي الطريقه
والكل يعرف عمير بن راشد الضيغمي وحرب الضياغم المشهوره بين عمير بن راشد وولد عمه عرار بن شهوان وفارس بن شهوان سلطان بلاد فارس في ذالك الوقت
واتمنى منك الاعتراف بالخطاء لان الاعتراف بالحق فضيله
وفي النهايه يسعدني ان اجدادي الكل يتفاخر بهم ويتمناهم اجداد له لكي فتخر بهم
ولكم القصيده كامله صحيحه وليسة ملفقه كا السابقه في موضوع الاخ هنيدس
ما الناس الا من بنوك ومعادن=وماطاب من بنك المعادن طاب
عمى الراي مايجري له الطب والدوا=عمى الراي مادام الغراب غراب
شيخ لنا يمشي على مايضرنا=وهو بالعيا من يوم شب وشاب
يامر علينا الترك تاخذ حريمنا=وانشهد انها بلشه وعذاب
يبغون ميثاء نقوة من حريمنا=وانا اقول بها وعار وعياب
لحثوا يبون ميثاء غصيبه=ومن دونها غوشٍ تسن حراب
ترا كل جيران لباب لجارهم=وياعنك ماجيراننا بلباب
تقول ميثاء ياهلي ارخصوا بي=على الترك لايغدي لكم برقاب
يقول عقيل لو دهبنا وخيلنا=علي الرفق مايصك دونك باب
حن خمسة هل خمس يال راشد=اهل خمس مانثني لهن رقاب
ايلا رقرقونا والحقونا ظعنا=تهايق لنا تحت الحنايا عذاب
ينخن ياسامينا عارفاتنا=بحساس من تحت العجاج صلاب
لكن اذيال الدهم دهم ال راشد=هماليل صيفٍ مقتفيه سحاب
وانا كما حابس الماء لقفن واقبلن=والا ملم الشروتين حجاب
اول مايثني عقيل ولد والدي=وسلطان وزبن الجاذيات حجاب
والخيل لاسمعت عقيل ترايعت=ترياع سيل في محير رغاب
واما عقيل فخيلنا تلتويبه=كما حجل ليد تلتوي بهضاب
تهيا لنا عند ابرق السيح عركه=فمنى بها حضار الرجال غياب
وتناطح حميدان بسلطان مارق=وتهيا لذا من كف ذا صواب
ومده حميدان بشلفا سنينه=عرينية تودع الدروع خراب
وضرب حميدان بعودٍ من القنا=وحول على البيداء ثلاث كعاب
خلي بحد الدمث عن الرمث والغضا=خلي بقريات الصريف مصاب
ولا ينفع المضيوم كون بن عمه=ايلا عض به من غير نابه ناب
يلوموني وانا على زغوغيه=حولية ماضريت بالداب
جدعي على البداء ثمانين مسمي=والا العواري مالهن حساب
واسل سيف الهند والكدبه=ماينكس من الروم راد جواب
كله لعينا جادل تنتخيبنا=اللي تماري بفعلنا الأجناب
والا لعينا كل وضحى من ابلنا=نرعى بها جوس على الأصحاب
انا وان قضبت السيف بالخمس لاتخف=على الجمع لوكان الجموع هضاب
اضف السبايا بالسبايا الا اوجهوا=كما ضف حضروم الفهود كلاب
انا شوق ميثاء عمير بن راشد=انا طول عمري للرجال عذاب
انا جامعٍ قصر ببصرٍ بمرجله=واورد طعونٍ مالهن حساب
وانا كما شعشاع النجم لاهوى=على هضبة يودع حصاها تراب
في النهايه اتمنى من ادارة المنتدى عدم حذف ردي لان في تصحيح لحقائق تاريخيه واتمنى انه ما احد تسوقه الحميا ويحذف الرد حتى انت يا اخ هنيدس
الضيغمي الاصيل