حنا عيال العود منصور يحمود"="حنا عصيم أهل الكرم والشجاعة
ما نختلف فيها على حد وحدود"="المال واحــد والوطن والبضاعــة
حب الوطن فينا من ابوان وجدود"="وحب الوطن إيمان ما هيب إشاعة
وأنا العتيبي وقت الالزام ماجود"="إليا نتخوا بي عزوتي و الجماعة
يشهد لنا الميدان فالحرب يسعود"="حرب العدو والنذل عندي شجاعة
واليانتخى سلطان حنا له اجنود"="آل السعود و طاعة الشهم طاعة
سليت سيف ورمح وزدت بارود"="هي عــادة الشجعان وقـت الفزاعــة
الله يحمي دولتي من كل مقرود"="أمثال شــــارون الخسيس وكـراعــه
ما همني شارون شارون مردود"="مــا هـمـني غـير الـرفـيق وطـماعــه
أقصد هل الإرهاب بيضان مع سود"="خـــانوا بـلــدهم والملك والجـماعــة
كم بيت فيه أيتام باسباب صرفود"="صــرفود مهـلك نـفـسه اللي وداعــة
الدين واضح لاش نقصٍ ولا زود"="نـهـج الـنـبي اللي عـلـيـنا اتــباعـــه
قصيدتي طالت على جمع وفرود"="والفـكر مثـل الـبـحـر سطحه وقاعه
وصلاة ربي خالق البيض والسود"="عـــلى نــبي المعجــــزة و الشفاعــة