معجب العتيبي
سلام الله على نايف ولد ملحق وكيف الحال=وكيف الحال يانايف ولد ملحق عقب غيبه
وراك تغيب ثم تعود بالطاروق والموال=لكنّ الحمل لا عوّدت بالموال تسريبه
نايف الروقي
هلا يامرحبابك يالمسلم والحمول اثقال =يامعجب شيل حملك فوق ظهرك وانت ضاريبه
تري ماهي غريبه لواجي واروح يارجال=لاكن المشكله بعض العرب ينسي مواجيبه
معجب العتيبي
يدوم الك البقا يانايف الروقي وزين الفال=وانا مستغرب انك ياوسيع العرف تدريبه
تجي وتروح لكن عطني الزبده من التجوال=وابو عذروب مدري كيف تاصال له عذاريبه
نايف الروقي
ترانا ياالعتيبي نعرف الرجلي من الخيال=وعلمن مايفيدك يالعتيبي لاتجينيبه
تبا الزبده يا معجب ياعسي الله يستر الاحوال=ترانا نعرف الرجال من صدقه وكاذيبه
معجب العتيبي
ترا منت بعلي فالح فلاح ولاانت ابن مصقال=ولا مرزوق ابن حمدان لوّ انك تهذريبه
غيابك في لهو ياصاحبي والا بجمع المال=انا ادريبك تحب الصدق والصادق نماريبه
نايف الروقي
انا نايف وسيع المعرفه في عالي المنزال=واقول النعم فيكم والله انه يحفظ عتيبه
يا معجب ماعينت الفارس الي يربك الابطال=قوي الباس من قوه تقول الناس يا طيبه
معجب العتيبي
كفو يانايف الروقي وانا معجب وسارح بال=لكن المسأله ياصاحبي تمشي على الريبه
هذاك اللي مكانه ينعرف في سلم والا قتال=واضنك ياوسيع العرف فعله صرت تحريبه