جمهور المحاورة الكريم
نضع المحاورة المميزة التي تم اختيارها من قبل إدارة المنتدى كأفضل
محاورة جرت في القسم خلال الاسبوع المنصرم
بإسمكم نشكر شاعريها ونتمنى لهم التوفيق
نايف الروقي
مانبغا يالثبيتي سـلام ولاتراحيـب=اخذ حاضر بحاضر وجيب اللي تجيبه
علامك يابن الاجواد خليت المواجيب=وانا ياصاحبي لازم اشـرف عتيبـه
كبتن عتيبه
علامك تترك سلومنا وأنته ولـد ذيـب!!=تحدّث عن مصيبه..وتحدث لك مصيبـه!!
بعيد اعن البطاء والخطاء والشك والرّيب!!=يبى ياصلـك قسمـك فالأيـام القريبـه!!
نايف الروقي
وردنا العد صافي وغثربت المشاريب=نصيبك مرتدي يوم كلن من نصيبـه
يمر الوقت ويدور والدنيـا مكاتيـب=لاكنه مايغير صحيب عـن صحيبـه
كبتن عتيبه
على الضيفـان مافيـه شرهـه يالمعازيـب=وعلمـاً فـي ضميـرك حشـا لاتدعيبـه!!
براحة نفس.. اقول:- انتم أهل الجود والطيب=لكـن الظاهـر انّـك تباهـا بالغصيـبـه!!
نايف الروقي
انا خابـرك حـر تعشيـك المخاليـب=واشوفك في اخر الوقت ترضي بالغليبه
تري حنا هل الاوله وهـل المكاسيـب=تري ماهيب ياصاحبي حاجـه غريبـه
كبتن عتيبه
ترى مابه غليبه على طوال الاشانيب=ولا يلحق هل المعرفه شكّه وريبـه!!
ونعم ابكم عدد ماتبين الشمس وتغيب=وكلمة نعم ماهي على الروقي صعيبه!!
نايف الروقي
ترانا نعرف الصدق ونعرف الاكاذيب=ياراع الجرح جرحك يبي يلقي طبيبه
وانا مااقول فيكم عيوب ولاعذاريب=لاكن الضلـع ياصاحبـي لاتلتويبـه
كبتن عتيبه
جروح تطيب.. وجروح ماتلقى تطابيـب=وماينفعـك شيله..وماينكبـك سيبـه!!
على جسر الملك فهْد سوق الفطر الشيب=عسى المذهب يسافر ويرجع بالذهيبه!!
نايف الروقي
تري حنا كشفناك ياراع الهنادبيـب=كما الي واقفن صبح في حيد الجذيبه
ليامنا مشينا علي حرش العرافيـب=مانحسب للديار البعيـده والقريبـه
كبتن عتيبه
توصفني بما شفت.. وانا ماعلم الغيب!!=وسامحك الله ..أن كانها حاجه مريبه!!
ولا ياصبر كبدك على شلفاء تراحيب!!=ماتدري وش حصل للعقيـد وللكتيبـه!!
تحياتي
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |