بندر المرشدي
يامرحبا ترحيبة تكتب على كف الحكيم=واليا قراها مرة وحدة يحفظ حروفها
تعال يامعجب نبا نعطيك كلمة فالصميم=انا ملكت الملعبة لو شجعوك صفوفها
معجب العتيبي
دام البقابك وانت لا رحبت يابندر سليم=والحكمه اللي فالكفوف اضن ماحد يشوفها
كلمتك هذي ياولد مرشد تقول انك غشيم=والسالفه ياصاحبي محدٍ يجي ويطوفها
بندر المرشدي
وانا تراني قبل ما تفهم مخارجها فهيم=علم وجيها معك بالفاضي تدق دفوفها
ما انته بماشي يالعتيبي فالسراط المستقيم=يمناك من عاما مضى ما ينضفن كفوفها
معجب العتيبي
حنا على وضح النقا نمشي معك والله عليم=واصحابنا ياصاحبي محدٍ جهل معروفها
كل عام نثبت صدق نية صاحب القلب الحليم=والناس معنا حققت ياصاحبي مصروفها
بندر المرشدي
حنا نبيكم تعمرون البيت بالنهج القويم=وانتم على روس الخلايق تهدمون سقوفها
لو كنت تحلف بالولي ما بين زمزم والحطيم=ما أصدقك عقب الرسايل ما أنكشف مضروفها
معجب العتيبي
كلمتك هذي لايصدقها رجال ولاحريم=لكن بعديها واخليها تجي بضروفها
وشلون ابا احلف واغلب العربان سموني كريم=الحلف للي سلعته عربونها محلوفها
بندر المرشدي
نعرف سوالفكم تراها كلها حول اليديم=أجل وش اللي تطلبه يوم العدود تطوفها
ترا كرمك اللي تقوله من جيوب أهل النسيم=ما انته مفرق بين تجار البلد وضعوفها
معجب العتيبي
مانطلب الفقران والغرقان والرجل العديم=مطلوبنا اللي من نعم ربي كبار كتوفها
اضن معروف النسيم يروح لأصحاب النظيم=بعض العدود نمرها ياصاحبي ونعوفها
بندر المرشدي
نعرف سوالفكم تراها كلهـا حـول اليديـم=أجل وش اللي تطلبه يوم العـدود تطوفهـا
ترا كرمك اللي تقوله من جيوب أهل النسيم=ما انته مفرق بين تجار البلـد وضعوفهـا
معجب العتيبي
مانطلب الفقران والغرقان والرجل العديـم=مطلوبنا اللي من نعم ربي كبـار كتوفهـا
اضن معروف النسيم يروح لأصحاب النظيم=بعض العدود نمرهـا ياصاحبـي ونعوفهـا
بندر المرشدي
انتم تلفون السوالف والغلط جـداً جسيـم=يالعالم اللي تطلب الأصوات باسم ضيوفهـا
ترا الكلام اللي تقوله يا ابيض الشارب قديم=ما تثبت الحجة ليا صار البلاء بوصوفهـا
معجب العتيبي
الكلمه اللي مايله تنطق على نطق المقيـم=واصحابنا تنطق حروف النطق داخل جوفها
ترا القديم الناس قالوا عنه يابنـدر نديـم=واجدادنا ياصاحبي تعرف بطيب سيوفهـا
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |