الله اكبر كم افرحني الخبر يا اخواني
والله انها لمصيبه . الغرب يصنع الفساد ونحن نهب وندب فيه بدون حتى استدراج او ترويج تقول جالسين بس نحتري متى يصدر كل ما يعين على الشر . والله يالربع انا منعنا اهالينا من حضور الزواجات في قصور الافراح والمناسبات لتلك الظاهره التي انتشرت وبشكل عجيب واخذ كل منا يصور اعراض بنات عمه وبنات ارضه ودمه وعرقه ونتباها ونفخر فلاحول ولاقوة الا بالله . في جده الشيء العجيب والله دخلت مجمع لبيع الجوالات وانا رجل ملتحي ولله الحمد اخذت جوله ابحث عن الباندا لا لاشتري ولكن لاعرف شكله( الله يزيدنا فيه جهل) لكن المضحك كل محل ادخله اسال عن هذا الجهاز اجد الرد واحد مافيه وبعد تعب دخلت على محل فاضي وسألت البائع سكت شوي وناظر لي وقال انت في الهيئه وبسرعه رديت وبعجل للهفتي على رؤيت الجهاز قلت اعوذبالله لا لا عندك الباندا اخذ يضحك طويلا وانا استغربت من ردي البايخ استغفر الله العظيم . قلت لا والله وانا اخوك لاتخاف بس من التعب ولاني اريد رؤيته فقط المهم شفت الملعون وقال عليه اقبال عجيب ومع هذا الاقبال لايوجد عليه ضمان قلت حسبنا الله ونعم الوكيل فحذاري حذاري يا احبتي في الله .
عبدالله الرويس العتيبي من جده الله يخارجنا منها