[ابن مشيب]

ونعم والله في الشيوخ الذين امتدحهم وهم اهلاً لذالك , وهم:


1- الشيخ هذال بن ضمن بن فهيد اخو هملا , بقولة:

وهذال يومه على الدوشان يدعابه=مايندعيبه وبعض الناس يدعيبه
يوم ان غضيب يزوغ العقل ضبضابه=عج الرمك وأشهب البارود يوضيبه
وسمي المباحيص دربه يوم عشابه=وخلا طعوس الزبار يساوي شعيبه
وصبح زعيم العموم مطير ماهابه=وحول بيته وخلى من مواجيبه
واخذوا ثياب البكار الشقح بأسبابه=وهذا جزله وماسواه سويبه
واشتال بيت الدويش اللي يحلابه= لين دق في نجد اخو هملاء مناسيبه
وهذا جزاء من فعله فعل يجزابه=يجزاء بمثله ومع مثله نثاريبه
وهذي أفعال أجداد الشيخ وأحبابه=واللي مشوبه خذاه ومعه يمشيبه
اخذ الظفر والسخاء ومشرع بابه =ويضحك حجاجه ومن زاره يهليبه

2- الشيخ جهز بن هذال بن فهيد , بقولة:

وقفاتها اللي ضرب بالسيف ونصابه=مقبض يمينه وحد السيف يهويبه
لين انكسر في يمين الشيخ مقضابه=عن روس شمر تكسر يوم يوميبه

3- الشيخ ماجد بن ضاوي بن فهيد اخو شرعا , بقولة:

أخذه من راس ماجد وافي القاله جمل زومان=اسناد للقبيله والخوي منزح اخصامه
ياقل اللي مثل ماجد لديه مايجي وكدان=محطم باس من يطمع بكسب الجود قدامه
كفو ياخوان شرعاء في نهار للرمك ميدان=نهار والمنايا فيه للاعمار سوامه
بيوم يجتمع فرز الوغاء ومواجه الفرسان=ويشوش الراس منه ويعجب المزهوم زهامه
تطيب ابكم ظنون اللي يشوش وعزوته شيبان=يشوش ويعتزي يوم الفعايل ترفع الهامه
كبرتو من يواعد بالقضاء وعن القضاء عجزان=قضيتم عنه لومه وانبسط ونجالت الوامه
فعايلكم تحسب لها العدا وتنومس العتبان=تنومس لابة للضد والعدوان لطامه
فعايلكم عليها نجد ورجاله شهود اعيان=مترخها الزمان اللي كبرتو سادة اقوامه
مترخها زمان ولا محتها سيرة الازمان=فعول اهل الوفا دايم لها الايام دوامه
بعيدين النظر واللي يماري مثلهم غلطان=يهود لايغره مدح مداحه وحشامه

4- الشيخ سلطان بن ماجد بن فهيد و امير الفوج الثامن بالطائف , بقولة:

سلام الله سلام الله سلام الله على سلطان=على شيخٍ عوايده الوفاء بالطيب وتمامه
من اول مبتداه وللعشاء في ناظره عنوان=كسب مرقى العلالي من مباد العمر وشمامه
مقر ونعم يوم انه على كسب ونعم ولهان=بعزم ونوهة للجود والطولات همامه
سنادٍ للخوي وللضعيف وشر للعدوان=عدوه منه يختل ويخل الذل بعظامه
يلين باس عدوانه وهو باسه قوي مالان=شغاميم العدا من هيبته خجله ومنضامه
ليا جا في القبيله من يعد وعدو الشيخان=يعدونه من اولهم مقر الجود مقدامه
ملاذ اللي من الزام الامور الكايده بحلان=يشيل الحمل عنه ويحري المظهود بكرامه
صميدع كلمته ليا قالها تمشي على الاتقان=ليا قال الكلام يتم ثبت وعاش تمامه
ماجبت الا ربع ماقيل والباقي لاحد الان=يبيد صفحة التاريخ والكتاب واقلامه
ماجاه الجود بمجرد كلام افلان والا فلان=ولا بمجاملة ناس لكثر الهرج لمامه

ايظن:

وصح الكلام وصحيح وعاش من جابه =في مدح مزبن خويه لاعوى ذيبه
مزبن خويه ومزبن من تجدابه =وفي مايسره يحل العقد ويجيبه
هذاك ابو بدر مزبن من تعزوابه = لا جاء نهاراً يخلي الصاحب أصحيبه
ولا جاء نهار يعاف الحق طلابه =هذاك يومه اذا خلوه أصاحيبه
يومه ويوم الرفيق اذا كلح نابه =لا صاح من ضد يوم اعداه وأعديبه
النادر اللي يصيد الصيد مخلابه =نادر حرار عطيبات مضاريبه
نادر حرار الاجاء الجول واثعابه =ماناش ماعاش من صفقة مخاليبه
شيخ خذاء الطيب من راسه ومن لابه =ومن راس جده وراس ابوه ياطيبه
أخوان شرعا لغالي الروح جلابه=اذا جاء نهاراً تعوذ منه اصاعيبه
اذا جاء نهاراً يشيب راس شبابه=ويشيب منه الرضيع ومن مشاهيبه
شيوخ خذوها بيوم شاب مشهابه=في ماقفٍ من حضر يومه يهذريبه
وشيوخ من يوم خلي نجد لعتابه=ما أخذ الامارة محافظ من معازيبه
أخذ الأماره من اللي جاب من جابه=يوم الأمارة لها وقفات وصعيبه

إلى ان قال:

ويستاهل المدح ياسلطان كسابه=وحقك علي اذكر المعروف واثنيبه
وقولي وماقلت في أبن فهيد يلقي به=والصدق يبقى وراعي الكذب يهويبه

صح السانك ياسطام , والسان الشاعرين: الشاعر بدر الدعجاني , و الشاعر حمود الدعجاني.......


لاهنت