هذه القصيدة لشاعر عطوي لا يحضرني اسمه مواجهه
الى اللواء\ عمر بن خالد الشيباني يصف بها معاناته بالحصول على الجنسيه السعوديه
سلام ياللي تبذل الطيب يمناك= سلاماً احلى من لبن شمّخ القود
واحلى من الياسمين بعطره والامساك= لا فتحت بزهورها فل وورد
وسلاماً احلى من حلا الشهد هذاك= لك يارفيع الساس يامنبع الجود
انا سعيد الحظ بشزفي محياك= انكرر الترحاب مليون ويزود
وياعل ربي امن الصواديف ياقاك = يابو بدر ياعل ايامك اتزود
وترى الثناء ينعد بمثلك وشرواك= تستاهل الامجاد يا خلفت العود
يمدحك من خاواك ويمدحك من جاك= عمر مقر الطيب والطيب ماكود
طيب الاصاله مستمده ابمنشاك= ولاانته من اللي شوفهم دوم محدود
بعيد شوفه مدسماتاً عطاياك= وتشوك للعلياء على كل مجهود
تافي لي قلو قليلين الادراك= وتجود لا شحو هل الخير بالفود
مزبان للي شاكي الحال ينصاك= ومثلك لا جار الوقت يا شيخ مرصود
ويا بو بدر لولا الامل ما نصيناك= يامن يلوذ ابظلكم كل مضهود
انت الامل وانت الرجاء لاعدمناك= وانته سندنا يا بعد كل نمرود
جيتك دخيل وزابن اليوم بحماك = ومواقفك تحط بقلوبنا اصمود
وياعمر جيتك ما تنصيت لسواك = حيثك تسد الازمه يافتى الجود
الفقر ذلاً لرجاجيل فتاك = بالخص منهو لا شكا ماله اعضود
محروم ضاقت عيشته يوم ناجاك= طواه من الايام لوعات وزهود
ويا ابو بدر في عالي الصوت بنخاك= وتنخاك أسره حلمها صار مفقود
اسره كبيره شوفها يربك ارباك= عاشوا ليالي بوصفها حالكه سود
على الرغيف اصواتهم كنها ادياك= ولو شفتهم ماتهتني العين برقود
ويا بو بدر يشكون ضرفاً بهم حاك = ويشلون يخفوا وضعهم وانت ماجود
ويا ذيب ياللي يبعد اللي مسراك= دواس ظلمات الليالي وهن سود
وياعمر بسمك يافتى الجود ندعاك= واللي دعاك اليوم يرجي بك الفود
صابر ثلاث ايام وانا برجواك= ونقول ليته بسرع الوقت بيعود
وترى السعادة بساعتي يوم لقياك = هي المناء وهي الفرح وانت له زود
غريب كني من عرب جاك شيراك= ولا يهودي انتمي لطايفة هود
اصلي سعودي مابها شك واشكاك = ومن يبغي البرهان بنقول ماجود
بمعامله متوقفه دون مسلاك= كامل بها الاجراء من شيخ وشهود
عشريت عاماً بين طاقه وشباك= وخوفي من وسط الدرج يرثع بها الدود
ويالله ياللي تسجد الخلق لرضاك = ياللي طلبك ايوب بركعات وسجود
انك تشوف احوال من كان يرعاك= كني امقيد في سلاسيل وقيود
جور الدهر خلاه ماعنده ادراك= وعقب الحياء يركض على كل منقود
ويضحكبي اللي بسيرة الناس هباك= بابه عن الطولات مغلق ومسدود
ما حاش في دنياه لو كان مسواك= واشكاله عند الناس سموهم اجهود
وسلامتكم
وتقبلو اطيب التحايا