[احمد الزايدي]

أحمد الزايدي

العلم مرفوع وأن بارزت ماحب الغليبه=والسيوف الصيرميه جاهزه للي يباهـا
المدرب ماتعبه تدريب هذيـك الكتيبـه=حزت التدريب جاها يصدر ايعازه علاها

فايز الميموني

الهزيمه ماتباها لكن الدعـوى غصيبـه=المعارك تخلف الفرّيـس وتبـذذ خفاهـا
نظرة الانسان في نفسه ترى عيب ومعيبه=وانت تنظر منظرتك وصورتك فيها اتباها

أحمد الزايدي

الشجيع اليا برز فالمعركـه قدمـه حريبـه=ما يخاف أمن الهزيمه دامت انه في حماهـا
من حقر نفسه مابين الناس الا ياشيب شيبه=ما يفيد ويستفيد الا الشيـوخ بعلـم جاهـا

فايز الميموني

يارصاص المارتين اخلص طليبا من طليبه=فالوغا ماجيت احب القوم وادور رضاهـا
والسلامه ريعها مقعود والوقفـه صعيبـه=يا تطش الاسلحه ولا النفوس ومنتهاهـا

أحمد الزايدي

الصواريخ أنتبه من وقعها جوف الضريبه=أنته اتدور علاج عيونك وجايك عماها
والله أني محتزم بسلاح مع ربعي عتيبـه=والمعارك ماتخوفني وانا عـارف مداهـا