[العبســــي]

[poet font="Simplified Arabic,4,white,normal,normal" bkcolor="transparent" bkimage="" border="inset,4,gray" type=0 line=200% align=center use=ex length=0 char="" num="0,black" filter=""]
ياللي تبون اليـوم نظـم القوافـي = ترا القوافـي ماتجـي بالسهولـه

لا صار قاف اللعب ما هو بوافي = اخيّر ترك اللعب عرضه وطولـه

لا صار ما هو من صميم الخوافي = يصير مثل الهـرج كـلٍ يقولـه

يا اهل الحداثه والبيوت الضعافي = يا حيف ما فيكم نفـوسٍ خجولـه

الكل صار اليوم صقر النصافـي = والشعـر ينفـا مثلهـم وحبلولـه

كـلٍ يورالـه وفيكـم هـرافـي = يقول انا الشاعر ويشعـب ذلولـه

يصلخ ويطبخ والنتيجـه عوافـي = ما فيه غير السان مع كبر زولـه

واليا ذكر شاعر صـدوقٍ سنافـي = يقول انا الشاعر ولانـي بحولـه

عاري حقيقه ما لبس بشت ضافي = ومن الجهل يحكم ثمانيـن دولـه

مجمعن حولـه خـدوشٍ خفافـي = يضحك ويفرح كل مـا صفقولـه

الشعر بحرٍ قاعتـه مـا تشافـي = وقوع البحر يصعب عليكم وصوله

الشعر حبك وسبك من فكر صافي = ما هو بهرجٍ يضهره من حثولـه

خلوه لاهله ما جرى اليوم كافـي = اللي تعدل منهجـه عـن ميولـه


حسـن الـوطـري الرشـيـدي



تحياتي للجميع
العبســـي
[/poet]