[النمر المقنع]

[poet font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=2 line=200% align=center use=ex length=0 char="" num="0,black" filter=""]
اخر زمان وكل من عاش خبر=وبغيت اقول الميت ارجى من الحي
ورد حباله في زمانه وصدر=ان كان هو ظميان ولا روي ري
ما عاش في هذا الزمان المغير=وحواله هالي ما عرفنا لها زي
دنيا عجوز وغيها ما تغير=تضحك مع الجاهل وتعجب هل الغي
جار الزمان وحد نابه كشر=وسعار طارت والمخاليق في لي
وقام الامام وسل سيفه وكبر=واهتز من صنعا الى باب بمبي
والشمس دارت وجهها واقتوى الحر=ماعاد يمنع من لظى حرها الفي
والنار شبت والحطب ساع جمر=واللي يدوس النار يصبر على الكي
والنيل فاض وظني يخرب البر=واهل البيوت الطارفه مالها ني
والطير الاخضر صاحب الطير الاصفر=وطير ماتعرف لها وجه وقفي
عنواتها يخبرك عن كل مضمر=شبت وشابت وابدلت عود بصبي
والنمر جنب والحصيني تنمر=يحسب سباع الغاب من جملة الصيى
واقيس ان الحب مايشبع الذر=وعلوم باتت ما بقي دونها شي
وراع النصيحه ضاع نصحه وعذر=قال اسمعوا لاكن ما يسمع الحي
واللي حكم في سابق الحال عبر=تعبير يعقوب بن اسحاق يا ابني
وريح العوالي قابلت ريح صرصر=وحذف الجنادب بينهم شوف عيني
والنمل جاله ريش والنسر عمر=وليا استمد الحبل لابد من طي
والظلم ظلمه ون دخل دار دمر=ودنياك مادامت لحاتم ابن طي
منها السلامة راس مالي ومتجر=وقول كني لازم الشمس بيدي
ون كان الافعى نابها ما تكسر=عضت وصار الصم لاتسمع الدي
ون كان عظم الداعيه ما تجبر ولا اظلمت ما عاد بقي لها ضي
وختم كلامي بالنبي المنور=صلى عليه الله ما ساروا الحي
[/poet]