[سمران القثامي]

كاتب الرسالة الأصلية وصل العطياني؟؟؟
[poet font="Simplified Arabic,4,blue,normal,normal" bkcolor="transparent" bkimage="backgrounds/11.gif" border="ridge,6,teal" type=2 line=200% align=center use=ex length=0 char="" num="0,black" filter=""]
ارتوى خدي دموع وشيـّب الهجران راسي=والهجر لو جربه طفلٍ رضيع يشيب راسه
ما سليت ولا نسيت ولا مفكرّ فــ التناسي=كلما اذكر هجر خلي راحت أنواع الوناسة
واوجودي وجد طفل (ن) كان أبوه أكبر سياسي=داهية ’ عقله مفكر في مجالات السياسة
انسجن في دار قوم (ن) ماتحب الدبلوماسي=دونه الباب الحديد مطوقينه بالحراسة
أزعج الحراس حوله بالصياح وبالحساسي=ثم قاموا يضربونه .. هذي والله العكاسة
ما قضى يومينه إلاّ صادر الأمر الرئاسي=أمر باعدامه .. ولازم يحضرون أهله و ناسه
أحضروهم كلبوهم وجلسوا فوق الكراسي= بينهم طفله يذوق المر كاسة بعد كاسة
نفذوا حكم المليك الظالم وطاح متواسي=طاح مغشيّ (ن) عليه من الغبينة والتعاسة
ورجعوه لديرته متحمل (ن) كل المآسي=كان صافي بال مير الوضع حاس الفكر حاسه
ماتهنّى بالمنام ولا تهنّى بالنعاسي=كلما يذكر وفاة أبوه فزّ من النعاسي
عمره أربع , لا صديق ولا قريب , ولا مواسي= ماله إلا أمه وعم (ن) شرس مولع بالشراسة
يضربه قايم وقاعد .. نعنبوه إنسان قاسي=محتوي كل القساوة والنذالة والنجاسة
وبعد عام من العذاب اللي يزعزع كل راسي=ماتت أمه غبن مما يفعله عم النحاسة
من بعدها زادت همومه على الهمّ الأساسي=إنغمس في عالم الأحزان من راسه لــ ساسه
ويوم كمّل عمره السـت إبتدأ العام الدراسي=قال مثلي مثل غيري .. لا غناة عن الدراسة
قال : ياعمي .. بصوت(ن) لا رقيق ولا حماسي=تعرف العلم إزدهار وتعرف الجهل إنتكاسة
طالبك , تكفى , بعد راحوا جميع أهلي وناسي=ودي أدرس مثل أبوي اللي طموحه فـ الرئاسة
إلتفت له بالمخمّس , جعل رأسه بالخماسي= صفعةٍ لو ذاقها الرجل القوي يفقد حواسه
اليتيم اللي بصبره حطّم الرقم القياسي= قرر المنحاش والمنحاش يبغى له دراسة
العمارة بابها مغلق ومفتاحه نحاسي=في يدين الأقشر اللي ذوّقه جوره وباسه
إنعمس بال الطفل ومن التضايق والعماسي= طاح من دور أربعة ما وقّع الاّ فوق راسه
إنتهى .. والحال واحد بالتمام وبالمقاسي= من هنوفٍ ماشربنا من بحرها ربع طاسة
[/poet]

الأخ الغالي / وصل العطياني صح لسانك يالقرم وقوله مبدع فيه قصور ولكن عساك تسلم وشهادتي فيك مجروحه بس احب امر على انتاجك الرااائع

أخوك/ سمران القثامي