[معجب العتيبي]

ياسلامي سلامٍ فيه خيره وخير=من هجوسٍ طرت لي ثم غنيتها
السميري وصلني عنه علمٍ خطير=ودي اخذ علومه عقب ما اوحيتها

[/QUOTE]

المشاركة الأصلية كتبت بواسطة السميــــــري

أنا يسعدني أكثر

مرحبا مرحبا بك ياسمو الأمير = والمعاني نركبها على بيتها
أنته أوحيتها والعلم خله قصير = والمشاكل تراني هادمٍ بيتها

المشاركة الأصلية كتبت بواسطة معجب العتيبي (سارح البال)

لاتجينا باساليب المدير الكبير=كلمتي يالسميري جيت وابديتها
العلوم وصلتنا عقب جات المدير=وانت غلطان يارجال ما اخفيتها

المشاركة الأصلية كتبت بواسطة السميــــــري

جيت بالطيبه لكن دور شوير = فرصةٍ لك وغيرك ماذكر أعطيتها !!
أحسبنك تدس العلم في وسط بير = ماسرع علوم معجب ذايع(ن) صيتها

المشاركة الأصلية كتبت بواسطة معجب العتيبي (سارح البال)

دايم الطيب فيكم بس مالك منير=والله المعطي ان كان انت شحيتها
العلوم اصبحت ياصاحبي تستدير=وانت من زود حرصك جيت واعميتها

المشاركة الأصلية كتبت بواسطة السميــــــري

أنت وشْ حاشرك من تحت ناب البعير ؟ = بأصبعك عينك الثنتين سديتها
يمكن أنك تبـــعّد بعد شفناك غيــــر = من كلامك كثير الناس غريتها !!

المشاركة الأصلية كتبت بواسطة معجب العتيبي (سارح البال)

عام الاول مع الشيبان تمر ومظير=وامس فالمكدونل رجليك عنيتها
شافك اصحيبك المعروف حزة عصير=يوم في يدك خمس ريال مديتها

المشاركة الأصلية كتبت بواسطة السميــــــري

واكب العصر يامعجب وحث المسير = وان تعرّضت لي رجليك حشيتها
خمسه أريال ماجابت قليل وكثير = مانمشّي علومك كان مشّيتها

واكب العصر فالتصنيع والا المطير=الكروش الكبيره مانفع صيتها
العوايد تروح لبوش والا بلير=وانته بنفسك اللي رحت وديتها

[/QUOTE]