[راع العلطا]

المشاركة الأصلية كتبت بواسطة أبو نجر النفيعي

..


السلام عليكم ورحمة الله وبركاته ..

هذه قصيده بسيطه ولها موضوع .. وموضعها في القصيده .. وحبيت ان اطلعكم عليها .. وآآما ان تنال لو القليل من اعجابكم ..


أقول ..

دوك الجواب اللي يهز التواريخ = وافي وبه ما تلتحقني ملامه!!
أنوّخ المعنى على الكيف تنويخ = واجوّد شدادي بذروة سنامه!!
واسرح معا صلف الهبوب المداويخ = صامل عزوم ومرتوي بالقرامه!!
لنّي ولد شيخٍ وجدّي بعد شيخ = دليل رايٍ ما ضرى بالغشامه!!
تنخاه منهي عافرواها المباذيخ = في يوم فيها مثل يوم القيامه!!
اقفت بها خيلٍ تدّك الصلابيخ = وجبرت على ذودٍ وخذ بالصرامه!!
لينه تعزوى فالجدود المطانيخ = وفزّ وعصب من فرع راسه عمامه!!
وارتدها بالغصب شيخ المشاييخ = امعرّب المنسب خوال وعمامه!!
ماهو كما اللي ناشته حدّة الصيخ = صيخ الغريم اللي غدابه غرامه!!
هذاك من لمّخ مع الوقت تلميخ = وازرى يميّز فالحلال وحرامه!!
من زينها دوّخ من الزين تدويخ = طريح هامه والاهم الكرامه!!
رسخت على فكره من العام ترسيخ = واليوم عايش وسط ريح الندامه!!
والحمد لله ماني امن المصاريخ = اللي توامى راسها كالنعامه!!
لنّي ولد شيخٍ وجدي بعد شيخ = صامل عزوم ومرتوي بالقرامه!!
هذا جوابي جبته ابقافية.. (ايخ) = والقاف الاخر يا ديبي على .. (آمه)!!

.
وسلامتكم ..

.
أخوكم
أبو نجر العتيبي ..

قصيده وافيه من وافي وبيض الله وجهك

صح لسانك حتى ترضى,,,