[النمر المقنع]

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يا الله طلبتك عافنا واعف عنا=يا خالقي يارازقي يا زبنا
يارب عبد له قليب معنى=دايم بوادي التيه روحه معناه
قال المغني بالتماثيل غنى=سواة ذوب النحل من كل فنا
ولا كما الصفري ليا اقبلنا=في وقت مصيافه وفي وقت مجناه
يابو خيال مثل مركوز الارماح=وليا اكتسى كمه كما الظبي نفاح
يفيح من جسمه كما ريح تفاح=مذروع شارع طول عنقه وعلباه
راعي جعود فوق متنه مراديف=وليا نشرها كنها داجي الخيف
فيها من المعنى ونقع الزهر كيف=كيف لروحه بعد ما ربه اعطاه
وله جبين مثل مبدا الهلالي=ولا كما برق الحيا اللي يلالي
تقداه هبان الصبا والعوالي=ون لاح برقه رويت الارض من ماه
راعي حجاجين سواة البواكير=مقرونة خلقه من الله تفكير
واهداب عينه سهوم للمغاوير=مكحولة بالدال والام عيناه
[/poet]