الشيش
سلام الله سلمٍ من هجوس الشاعر الفهمان=عليكم ياحزامي درع جنبي ساعة الضيقات
ابالي شاعرٍ لامد كيله ماحصـل نقصـان=علشان الشكوك اتزيل والله يصلح النيـات
معجب العتيبي
هلا يامرحبا ترحيبةٍ من قلب قبـل لسـان=هلابك مع بني عمك هلابك واطيب الحزات
ترا الشاعر ليامنه دخل في مجلس العتبان=لقا راع القصيد اللي يسره واروع الابيات
الشيش
يدوم الك البقا يالشاعر اللي سيس القيفان=وانا راعي محلاٍ عند قومٍ تبعـد الهقـوات
اعرف ان الجزالة عند ربعٍ تكرم الضيفان=لكن السالفة في خاطري مابين هاك وهات
معجب العتيبي
ليامن صرت عارف يالعتيبي كل شيٍ زان=تجيب العلم وتودي علوم وتظهر النقـوات
مدام العلم في خاطرك ياشيش اختفى مابان=نبا ناخذ ونعطي معك لو راحت علوم وجات