[معجب العتيبي]

المشاركة الأصلية كتبت بواسطة علي العضياني (الفالح)

يعجبني اللي مثل سلطان الجذع ( شاعر و أديب) =واللي يزيد إعجابي الاخلاق جداً عاليه
مدري بعد سافر يجيب الكسب ولاّ ما يجيب=سوق الغلا حامي و يجمع كل سلعه غاليه

المشاركة الأصلية كتبت بواسطة سلطان الجـذع

شعور الاعجاب متبادل من صحيب أليا صحيب =والطيب للطّيب هو المكسب وراس الماليه
دامك معي ياصاحبي فأنا من المكسب قريب =أدخل معي بيت الطراقي واشرب الفنجاليه

المشاركة الأصلية كتبت بواسطة علي العضياني (الفالح)

الحرّ يفهم بالاشاره وانت رجالٍ لبيب=ختّم جوازك ثمّ سافر صبح يمّ إيطاليه
خلّ البدو ترعى غنمها من شعيب ليا شعيب=ما فالقبور الاّ الجنايز والعظام الباليه

المشاركة الأصلية كتبت بواسطة سلطان الجـذع

الخير من جمران ياراع العلوم أليا مغيب =خل الديار اللي من سلوم العوارف خاليه
الخلفه اللي يابن ثعلي قد ملت بطنك حليب =كلٍ يقول الاوله ...وانته تقول التاليه

المشاركة الأصلية كتبت بواسطة علي العضياني (الفالح)

اولمرت وجنوده شمال وعاصمتهم تلّ ابيب=وشرق اسيا ما فيه غير الهند والبنقاليه
اضرب على الثنتين هذيّه يابن عمّي صليب=والتاليه بنت هنوف اتشبّب الرجاليه

المشاركة الأصلية كتبت بواسطة سلطان الجـذع

(وضعك غريب )اقولها واعيدها (وضعك غريب )=ياساحر اهل عمان قلت علوم ماتنقاليه
حبيبي الاول ..وغيره ماني مدور حبيب =قلبي معه ..وأله الذرى في غترتي وعقاليه

معكم الى الفجر وبعدها الوجه من الوجه ابيض هههههههه

الليل الليل