يالشبح لولا المحبه كـان والله مـا أهتويـك
حيث سعرك فاهـقٌ كفـى بغلـوه لعنبـاك
أشهدنك بالمواتـر كنـك منجـى الدريـك
لا طلب فزعتك عانى تنتخيله جـاك جـاك
عارفٌ من صممك لولاه مـا حـط البريـك
تردعك كان إستوى خطك مع رحلة سمـاك
من لحقته من ورا كنـك تكلـم وش يليـك
أبتعد مسلك مسيرى ما يقـارن مـع سـراك
من فخامتك المواتر شعب وأنت إلهـا مليـك
ومن يعيبك فى وصوفك بلغـه تبـت يـداك
حجم خمسميه خليجى للعديـم تقـول شيـك
لونه العودى مميز تحسـده نظـرة عـداك
باب شفط ومشراته شغلهـا بلمسـة يديـك
وأنتل الحسـاس قرنينـه تعلـم وش وراك
نقشته نقشـة فتـاةٌ فصلـت بالنقـش زيـك
جمل إكسسوار زينك وأنتـه مكمـل حـلاك
يحفظك رب الخليقه عن نظر عيـنُ تجيـك
يهتنيبك قرم عينٌ مـا يشكـك فـى غـلاك
والله إنى فى اللـوازم للمسـارى محتسيـك
فرحة عيون الذى مع طايل الطرقـه قنـاك
من فيافى نجد تسرى لين تاصـل معجبيـك
فى الحويه والشبح مرسول لبيـوت المـلاك
بلغ المزيون قول انا الذيابي مات فيك
والله انك في فعولك موصله درب الهلاك
ياحبيبـى لاتبيـع اللـى بـوده مشتريـك
ولا تصيبك عزة النفس الشقيـه مـن بهـاك
أدرى إنك من جمالك فى البنى مالك شريـك
البنى فى مستـوى وأنتـه رفيـعٌ مستـواك
أنت لولا رفعتك ماأصبحت بأسبابـك هليـك
الله اللى حط حبك فى فـوادى ثـم عطـاك
دون شوفك ما يوفـى غيـر كلمـة شفتيـك
وأخذ علومك صراحه مـن شفاتـى لشفـاك
يقطع الله حـظ عاشـق تهتويـه ولا يبيـك
للعنا يا هاجس المغرم بذكـره لـن سـلاك
وكان ودك تا تسمع فـى مقاطـع عاذليـك
سجلى أسمى من ضحايا العشق والهاوى فداك
روح جعل الوقت لظروف الليالـى تحتديـك
ثم تسوقك للخصيـم اللـى تبيـه ولا يبـاك
إن زهمته ما يجاوب غير يشمـت والديـك
تشتقيبه بالمحبـه ميـر مـا قـدر شقـاك
وأعلم اني من زماني ماسليتك محتريك
بالاماني والترجي محترا ساعة لقاك
مع اطيب التمنيات
اخوكم :- مطلق الشيباني