[سهلي مطنوخ]

الله لا يهين الجميع على الردود وبيض الله وجيهكـم


اما انت يا ابن يام ((اذا كانك يامي من جد)) فانا لن اتكلم في ربعك

لان الرجال تحترم الرجال .. ولا يستهزأ في الرجال الا الثعال

امــا انت فكلك نقص .....

اول شي اذا سألناك عن قبايل اليمن والا الزيود اللي هنــاك ذيك الساعه

بنلقـى الجواب منك ...

اما معرفة قبايل نجــد فلا هيب لحيتــك ... بركةً تعرف اسم ابوك ..

امد صوتي وارفع الـراس واقـول=انـا سهلـي وعزوتـي عامريـة
ماحدٍ بلايمني وانا ربعـي سهـول=الا الردي ولـد الـردي والرديـة
اناعبيـدي بالوفـا اقـول واطـول=اناعبيـدي ربعـي اهـل الحميـة
ربعي السهول اللي لها اذكار وفعول=اللي رعو بالسيـف نجـد العذيـة
يوم انها فرسان وسيوف وخيـول=وورودهم تسبق لحـوض المنيـة
باجو فيافي نجد بالعرض والطـول=ماردّهـم راع الحمـى والحميـة
ويوم ان باب اللاش مغلق ومقفول=وبيوتهم للضيف صبـح وعشيـة
ماانّا برجوى مدح خايب ومبـدول=تشهد لنا الصمان فـي كـل هيّـة
يشهد لنا سيفٍ على نجد مسلـول=بانّـا هـل المقـدار والمقـدريـة
نضرب بحدّ السيف والرزق مكفول=والكـف مـن مـدّ البريـة بريـة
وليا تجاهلنا من النـاس مجهـول=ماهـوب ناقصنـا ولاحـول نيـه

للشاعر : خالد بن غنــام آل عبيـد السهلي


تشهد لنـا صحاري نجد يا اليامي وقبايلها ... وان كان عذروبنا القل فيا حيه من عذروب:

تعيرنا بانا قليل عديدنا ** فقلت لها ان الكرام قليلُ

تشهد لنا المناويخ و المعارك وساحات القتـال ... اما الهلايم ما نبي منهم شهاده

ما تشوف مناخ من المناويخ المشهوره في الجزيرة العربية ... الا في مقدمتها آلاد سهـل ..

وعلى قولة الغيهباني :

الحر يا عمي يجيب ثلاثه ** والا الدجاجه تكثر الأضنائي

فيا كثر فرخ الدجاج بس اصغر ادمي يجي و ياطا عليه تفغص على طول ...


قال الشاعر : سعود بن بداح الحويدر الظهيري السهلي ... من قصيدة طويله

بوقت مضى يوم الحرايـب والانكـاد=تلقى بنـي سهـل تصالـي شظاهـا
افعالهـم تذكـر قديمـات واجــداد=يوم المعـارك تصطلـي واحضراهـا
حـق وحقيقـه كـان للعلـم نشـاد=يدري بها اللـي بالمراجـع قراهـا
يوم ان نجـد بالفتـن توقـد وقـاد=حنـا علـى قـب نصالـي غثاهـا
سهول لها بين العرب حاضر وباد=ياكودها والله على مـن بغاهـا

ابلع العافيه يا .........؟؟؟ وعلى شحــم


سلاااااااااام

آخر تعديل سهلي مطنوخ يوم 14-Feb-2008 في 01:00 PM.