مرحباً بالجماعة ..
وياهلا ومسهلا .. وأعذورني ترى الضابوط الأخير يعذرني من أي واحد يجي مواضيعي فقط لكي يزيد عدد مشاركاته والمثل يقول : "مية إبرة ما تجي منقاش "
يعني ملتزم بالضابوط الأخير مع إحترامي للجميع اللي يبيني أتضوبط لردوده يتضوبط لمواضيعي مهوب يرد بدون قراءة ..
والواحد يشوف نفسه على كيفه ويتكبر زي ما يبي المهم أنه ما يقارش أحد في حلاله وصحته .. وأنتم مني سالمين إن شاء الله .
السموحة ..
اقتباس:
المشاركة الأصلية كتبت بواسطة محمد المسعودي العتيبي
حياالله العود ابوموس وجزاك الله خير على موضوعك الطيب
لكن ياخوي الحبيب ارجو مزيد توضيح لقولك ...
وجزاك الله خير .
|
يامرحبا بالمسعودي
إذا كتبت في الدين , أحياناً يكون قصدك زين , ولكن يجي واحد عنده قرحة في المعدة ومكثر من الوصفات الشعبية والخلطات الشفائية اللي كلها مليانة ( بصاق وتفال ) كرمت ومن يقرأ .
وفهمة في الدين الإسلامي مثل فهم أي كتلوج تشغيل لأي جهاز ..
يخاصمك في أشياء يعتبرها منكرات ليس لأنها منكرات بل لأنه لا يفهمها .
يعني الواحد قبل لا يعترض أو يناقش يسئل نفسه :
هو المشكلة في الموضوع أو الكلام ؟ أو المشكلة في فهمي أنا ؟!
أحياناً يتعطل الكلام والتفكير عشان نقطة ما فهمها شخص من بين مجموعة, ولأنه مش فاهم هذه النقطةو القصدك منها تصير كافر أو علماني منكر . الدين يكون على فهمة هو ..
وطبعاً
لا هوادة في الدين فهو يجاهد بلسانه ويده ويحاججك على عقلة ومناقشة السفهاء مضيعه للوقت ( السفيه هو الإنسان العصبي الذي لا يقتنع بأنه مخطئ ) فلا هو يحترم أدب النقاش ولا هو يدلي بما يفيد ولا يدرك أن المشكلة في عقله هو وليست في الكلام الذي يسمعه . المشكلة أن عندما تقول أن فلان مسلم فهذا لا يثير الناس ..بعكس عندما تقول :
شوفو الفلاني كاتب أو يقول كلام إلحادي ويسب الدين ويتهكم بالعلماء ..
عندها ينقلب موضوعك على رأسك ..
وكأنك العلماء لا يخطئون .. وأنت أصلاً ما جبت طاري للعلماء ولكن تعرض موضوع وبدلاً من أن يراجعك الجميع على إحالتك ومصادرك ينشغلون بالكلام ضدك وكأنك حصني داخل عشة دجاج تشوفهم محشورين رد فوق الثاني من الفزع مدري من الغرابة .. يصحى المشرف من النوم ويشوف الموضوع يقول :
بلا قلق وقروشه .. فاتحين منتدى إلكتروني أو قاعة مناقشات اللي عنده مشكله من الدين يروح للمنتديات االإسلامية .. ويحذف الموضوع أو يلغي عضويتك ..
طيب الموضوع ماله علاقة في الدين أصلاًًً يمكن يكون موضوع : كيف يسمح للخادمات التواجد بيننا بدون محرم والسفر بدون محرم ؟ في الوقت نفسه يحرم على النساء المواطنات السفر بدون محرم أو التواجد مع الرجال بدون محرم ؟!
وش فرق المسلمة الأجنبية عن المسلمة العربية ؟! والمسلمين سواسية في الإسلام ؟!
شوف السؤال روح لأكبر عالم .. أتحدى يعطيك إجابة شافية أو نتيجة واضحة مافيها إجابات تنطوي على لف ودوران !!!
يعني الواحد يطرح سؤال يجيك واحد يقول :
إذا ودك خواتك وحرمتك تسافر لوحدها أو تعمل وتعيش بن أغراب فلا تعمم على الناس كلها وإذا أنت منحرف عن الدين الإسلامي لا تحاول تنشر الظلالات .. ؟!
يلعن أبهو تفكير .. من وين طلع في عقول الناس والعرب أحكم الأمم في الأرض ؟!
وهالخادمات اللي يجون مالهن عرض ولا شرف ولا دين أو سبايا ورقيق .. ما فيهم اللي يغار على مسلمة تعيش بدون حماية وبدون أمن داخل بيوت الناس ولا تعرف مكان تلجاء إليه أو لمن تشتكي ؟!
هذا مثال بسيط .. لجزء من معاناتي مع الفرقاء والأشقاء من الدشير والمطواعة ( مافيه علماني أو لبيرالي أو مسلم ) فيه ( داشر ومطوع ) وكلنا مسلمين
ولو طرحت الموضوع في منتدى علماني أو مجتمع صيع وملاحدة .. طارو فيه وأستخدموك أنت وموضوعك لإنتقاد العلماء والتسفيه فيهم ..
المهم لا تقرب المواضيع اللي تتعلق بالدين والأحكام ..
هذا للتوضيع والمثال . وماخفي كان أعظم .. وخلي الطابق مستور ..
أتمنى أني وضحت بما فيه الكفاية والنهاية