قصيدة للشاعر هويشل بن عبدالله
وهو في مكه وقد وادع البيت الحرام واشتاق إلى أهله و موطنه في العرض
معاد عقب موادع البيت قامات **** ياناشدين الهجن عما وراها
ياللي ركايبهم من الجوع لصبات **** صرف عليها بالهلل ما هجاها
سقوا إلى حطوالها الشرق يمات **** وإن نكبت شمس العصير بقفاها
قد عقبت ذيك الخشوم المنيفات *** حطت حضن وخشوم غرب وراها
تشرب من الوادي وتصدرمحيلات **** تبغي من الصخه دغاليب ماها
وسقوا إلى بانت لهن العلامات **** صبحا على أيـمنها ودمخ حذاها
والصبح مطالعة علاوي شمالات *** قد قدموا قبل النكيف بشراها
__________________