[محمد العتيبي]

مشكور يالهيلوم
واسمحلي على تنسيق المحاوره ..
...

رشيد الزلامي :

الي نظره على ضيدان بن منصور بن قضعان =وانا ماصدق الاخبار لين اعرف مصادرهـا
انا شفته يشب النار بيـن البيـت والعمـدان=لا نشدته وش تدور قال لي حاجـة وادورهـا
ـــــــــــــــــــــــــــــــــــــ

ضيدان بن قضعان :

إلك نظرة ولي نظرة وهذى ساحـة الميـدان= إذا ربـك كسرهـا يالزلامـي لاتجبـرهـا
أنا في خاطري كلمة ومشروهي على الشيبان= وانا مانيب قايلهاجهـاري وانـت خابرهـا

ــــــــــــــــــــــــــــــــــــــ

رشيد الزلامي :

يقولون الرجال المرجلة سيف وظهر حصـان= علي كيفك ابن منصور صغرهـا وكبرهـا
مصرح لك تحث الركب من جدة الي الظهران =لكن ابعد عن الامـوات لا تسبـر مقابرهـا

ــــــــــــــــــــــــــــــــــــــ

ضيدان بن قضعان :

كفانا في الحرايـب الزلامـي شيخناراكـان =وانا في نعمـة ياجعـل ربـي مايغيرهـا
تقولة يالزلامي وانـت لاخزنـة ولا دكـان =مغير تقدم الساعة علـي كيفـك وتاخرهـا

ـــــــــــــــــــــــــــــــــــــــ

رشيد الزلامي :

أنا ماودي اصمل فيك حيث انك من العجمان= وباقـي النـاس والله ماعلينـا لونقاشـرهـا
لا تزعل جونا هادي ولا شعلـة ولادخـان =وحنا كاشفيـن الارض باطنهـا وظاهرهـا

ـــــــــــــــــــــــــــــــــــــــ

ضيدان بن قضعان :

تنفد يالزلامي ماورى عجمان غيـر عمـان= اذا ودك تيامنـهـا واذا ودك تيـاسـرهـا
عسى ربي يحفظك ياذخر خالد ذرى واكنـان= كثير الناس تخضع عقب ماترفـع مناخرها

ـــــــــــــــــــــــــــــــــــــــ

رشيد الزلامي :

أنـا والله ماكـره قربكـم لكنكـم عـدوان =عداوتكم قديمـة فـي اول الدنيـا واخرهـا
تقرب لا تبعد وش تبي بالصلب والصمـان= ترى ماقدمـك الاعالمـاً تبـرق خناجرهـا

التوقيع

للتواصل عبر twitter تويتر al_bargawy@

آخر تعديل محمد العتيبي يوم 06-Feb-2008 في 06:47 PM.