[الكناني]

حمود الرشيد راكان بن حثلين ضيف الله العفار
قصيدة حمود العبيد الرشيد في كون عروى ورد كل من الشيخين راكان بن حثلين وضيف الله العفار

ياليل سلم لي الى جيـت راكـان = سلم علـى زيـزوم يـام واميـر

اليوم صاروا بالعرب تقل جيـران = ومن اوين ماوجـه تقفـوا نشيـره

واذكر لهم بالكون طيحة غـزالان = ثـلاث مـرات بوجـه المغيـره

يوم حضرنا فيـه ليـل وفـوران = يوم على عـروى تقطـع غثيـره

ان كان ابن هندي نوانـا ببـرزان = حنا على عروى قصرنا مسيـره

جينا على وضح النقى عقب الاذان = وذبحت قـواد الجمـل بالمريـره

جينا على ذروات عجلات الاقران = مستجنبيـن كـل قبـا ظهـيـره

حصان الصميد اللي يسمى صنيتان = صيت بلا جري وصفوفه شهيـره

ان جاك بالعرضه الى تقل ديقـان = يفزع بسيف سلـه مـن جفيـره

من كان باللقوات روغات الاذهان = ماينقهر غاد الجـدا مـن منيـره

والسابق اللي عندكم ياابوسلطـان = لهـا بوجهـك شامـه مستديـره



رد الشيخ راكان بن حثلين


ياراكب من عندنـا فـوق شقـران = خرزهـا بالخـرج فـوق النجيـره

أوعل سلامي لاخو نوره ببـرزان = وعقب السـلام تخبـره بالسريـره

من باب عمان اليـا بـاب نجـران = ماهو انا يا الضيغمي انـت اميـره

علـم لفانـا فيـه ليـل وفــوران = استـر قلبـي يـوم جانـا بشيـره

جا من حمود شـوق ميـاح الاردان = هو شوق من تزها الشقايق نظيـره

عضيد اخوه بصادق الفعل ولسـان = ودبوس راس اللي دوى به مسيـره

فرز الوغا لاجا ثقيـلات الاكـوان = لاسل مصقول السني مـن جفيـره

خبرتني ياحمود عن طير حـوران = يوم علـى عـروا تكسـر عويـره

هلـت مخاييلـه بـدرج وسبهـان = ما ينتميـز وردهـا مـن صديـره

تذكر محمـد جامـع نجـع عتبـان = ذخـيـره يــاوي والله ذخـيـره

الامر قدره الولـي عالـي الشـان = والا عتيبـه ماعليـهـم قصـيـره

كرمان وان ركبوا على الخيل فرسان = اليا اختلط عـج الرمـك بالمغيـره

سبيتنا سـب علـى غيـر برهـان = مايستـوي هـذا لزبـن العشيـره

وحنا بديرتنـا ولا حـن بجيـران = في شايه اللـي مايـوازي جويـره

حاميـن ديرتنـا بخيل وفرسـان = يـوم ان كـل لـه حـدود وديـره

من زان حنا له على الزيـن خـلان = وضر اليا حـرك تزايـد سعيـره

ماقـل دل وزبـده الهـرج نيشـان = والهرج يكفي صامله عـن كثيـره


رد الشيخ ضيف الله العفار


ياحمود كانك قاعد وسط برزان = لابان لك فعل ولا لك مشيـره

اليا بغيت الشيخ يوقفك سبهـان = تاقف الين العلم يرجع لأميره

لو لا حسن نوخ بذربين الايمان = راحت عليكم يابو ماجد كسيره

اولاد على مطوعة كل فسقـان = عاداتهم بالكون كـف المغيـره

وابن سعود اللي يسمى غزالان = درع بتال الخيل مثل السعيـره

حنا خذينا الخيل قلع بالارسـان = اصايل في نجد حتى الجزيـره

والخيل اللي قلت عند ابو سلطان = مع تسعة الاف علينـا مغيـره

ياحمود لابقنا ولاحن بسرقان = السرق في حكمك عسى الله يديره

الذم مايهفي للاجـواد ميـزان = والمدح مايطول يدين قصيـره
...
...

منقول(فارس برقاـ منتديات الهيلا)