[ابوسنون الحبردي]

بسم الله الرحمن الرحيم
السلام عليكم ورحمة الله وبركاته:
هذه قصيدة في شيخ من شيوخ عتيبة الشيخ مجاهد بن متعب ابوسنون
"رحمه الله" امير الحبردية الذي توفي يوم الاثنين الموافق 9_12_1423
ابدا بذكر الله عقيدة وتوحيد
ابدا بذكر الله على كل بادي
دنيا ونسها ياابو مطلق تناكيد
لوضحكت مرجعها للنكادي
تشيب اللي غافي يرضع الديد
مايرتجيها من يعرف الرشادي
قم عزنا وحنا نعزيك يافهيد
حزني وحزنك عبر الايام زادي
يابدر غاب النجم في ليلة العيد
لا والله اللي ماهناني عيادي
غاب اله في طرقه بلا منيس ووحيد
من راح به يابدر ماعاد عادي
اخو كبير ومقصد للاجـــــاويد
ابدي له اللي يختلج في فؤادي
لاوالله الاانعميت العين يافهيد
واصبح بياضه غاشي للسوادي
يالقرم انا بالحزن ليه مواعيد
اليه معه موعد وعهد وكادي
والجتي لجت محال المعاويد
لياجالهن فوق المقام اجتلادي
على ابوماجد دمع عيني تماديد
سيل تحدر من على الوادي
لاوالله اللي راح من ضلعنا حيد
حيد يذري بالليال الشدادي
حيد يذري للقريبين وبعيـــد
وجه البلد للنايدين البعـــادي
راعي دلال فوق نار مواصيد
ونجر يخامس بنهنه ينــــادي
ابوسنون اللي يعد من المسانيد
من اهل الشداد منزحين الاعادي
اتلا العهد به حط فوق العواميد
قدم الامام اللي دعا باجتهادي
كبر ثلاث رابعتهن بتفريـــد
يالله قبولك يالكريم الجوادي
وقفوا يشيلونه نشاط الاوليد
مكفنن كنه غرير المهادي
عساه للجنة مجسد بتخليد
في جنة جعله ينال المرادي
جعله مكرم بين صديق وشهيد
برجواك ياللي ترتجيك العبادي
عسى العوض به ياردون المواريد
بين القبيلة رايهم بالســــدادي
حيث القبيلة هي سند كل صنديد
ومن لا لبس مرس فلا له جدادي
وصلاة ربي عندما تتسع البيد
على نبي منهجه خير هادي



الشاعر:نايف عقاب الحبردي العتيبي