[صاطي]

مشكور وماقصرت على هالنبذه

وبذكر لكم قصه عن هذه العجوز سمعتها من عمي وكان عمي خوي

لاحد الامراء من ال سعود وكان ذاهبن للمنطقه الشرقيه

فاشار عمي على الامير وقال له :

وش رايك ياطويل العمر نمر رجال شرواك نتقهوى عنده

وهو انسان فاهم ومتقاعد من ارامكوا تعرف الامراء مايبون الزحمات

والصجه ولايحبون الرسميات

المهم قال الرجال ماعنده احد حتى عياله ماهم عنده والامير مايسمع

في عمي بس لاتحسبوني اهايط على العموم

كان هذا الرجل الذي من ارامكوا زوجته هي عمشاء الدغيلبيه

المهم قلطوا عند هالرجال وتقهووا وقاموا يسولفون جتك عمشاء

وجلست عند الرياجيل وقامت تسولف واعجب الامير بسوالفها

فتعمد الامير ان يستفزها وقال :

انتم يالعتبان ماتسوون شيء عند مطير وكان بقصد الاستفزاز

قالت ياطويل العمر وين تجي مطير اطيب منا وحنا سوينابهم وسوينابهم

وبدت تسرد له المناخات والوقائع بالتواريخ وبالقصيد بين عتيبه ومطير

يوم خلصت قالت علمني الحين من اللي اطيب حنا والا مطير

فضحك الامير وقال الله يكفينا شرس هذولا حريمكم ياعتيبه كيف

برياجيلكم .

واعذروني على الاطاله