اقتباس:
المشاركة الأصلية كتبت بواسطة محب الهيلا
السلام عليكم ورحمة الله وبركاته
هلا ومرحبا والله يحيك
عندي كم سوأل وان شاء الله ماتكون ثقيلة عليك
س-ماهو احرج موقف مر عليك ؟
س-ماهو اسعد موقف مر عليك؟
س-ماهو اصعب موقف مرعليك وأثر في نفسك ؟
ولي عودة ان شاء الله |
هلابك عزيزي محب الهيلا . . شرفت نورت
أحرج موقف مر علي . ؟ هو فعلن محرج بالنسبه لي وتمنيت الارض تبلعني في هالموقف . يوم كنت اول كورس جامعه كنت ماخذ مادة عامه وهي مادة أصول الادارة . فا حضرت وجلست مع شباب وانا ماكنت دارس نهائيا" جلست اتحلطم عندهم قالي واحد من ربع اخذ هالورقة الصغيره ودششها معاك راح تنفعك ماهي برشامه طبعا" اكبر منها ملخص صغير . ولاني متعود على الغش اول مره اسويها سبحان الله الغشيم يبين فيه بشكلي مبين علي وحركتي زايده << مشكوف
المهم جاني الدكتور الله يذكره بالخير من عائلة العمر وبكل هدوء سحب الورقة من درج الطاولة انا اهني دورني ما تلقاني انطرمت ولا اقدر ادافع او ابرر من الربكه بغيت اقوم واحب خشم الدكتور لووووووول . بعدين جيته المكتب وتأسفت له وقلت اول مره واخر مره وفعلن وهي الاخيره وعدت على خير .
اسعد موقف مر علي ؟ يوم الله زرقني بتؤم (( محمد & حصه ))
اصعب موقف مر علي ويؤثر في نفسي ؟ هي مواقف تتجمع في موقف واحد وهي عند فقدان أي عزيز علي يأثر فيني حيل .
مشكور وماقصرت على طرحك الاسئله وحياك الله