[فزاع برقا]

من القصائد التي قيلت بعد مقتل

الفارس الامير // خزام المهري امير الدغالبه

قصيدة الشاعر:
شداد بن لظى

حيث قال

وحالي اللي مثل موم المخاييل = هملن وعلق له على جال طيّه

بالله ياللي تتعب الكنس الحيل = وترد زبر الخيل رد الرعيه

والله ليفنا الجيل مع ساقة الجيل = وحر المواكر مالقينا حليّه

عليه ترفات الصبايا مغاليل = يبكن اخو نوره زبون الونيّه

ياما قلع من جل ذود ٍ جهاميل = وياما قلع من مهرة ٍ زغزغيه

حول عليها والسبايا دحاميل = متجنّد ٍ سيفه سوات الحنيّه

من فوق قبّاً تنهض الراس والذيل = تلقاه فوق كروش و لا العبيّه