ياسعود انا البارحه ماامسيت * سهران والليل ما امسيته
من مجلسي بالسكن مللـيـت * والشرب والزاد ملليته
على وليفن طلعله صيت * ومع العرب شايع صيته
حبه بقلبي بناله بيت *ووسط الضماير بنا بيته
ياسعود ان كان ابه مريت * هات الخبر كان مريته
هات الرساله معك لا جيت * يرتاح قلبي ليا جيته
ابو خديد سوات الليت * نور القمر ما غطا ليته
شبيه ريم ربا حلليت * من دونها خشم حلليته
السر عنكم ترا ماخفيت * وللا على غيرك اخفيته
من لامني طاح وسط قميت * في دولة واسمها قميته
وللا ضعيفن للبيع اسميت *تلقاه ينبح ورى اسميته
ختامها بالحرم حجيت * واطفت والبيت حجيته