أبنشــد العـــراف واهل المواجيب **** لا يا عريبين الحســايب والانســـاب
وش بنت خبل ضـارية بالعــذاريب **** وعــذروبها الاول لهـا عدة أصحـاب
والابو لاش ما تذرى عـن العـيـب **** يكري على بنته وينــدب على البــاب
كل مـن جـذب بنته تحبــه بلا ريب **** تســقـــيه من ريــقٍ يحــاليله الــداب
وضيوفهم واجد عسى حظه يخيب **** ما فـرقــوا بين القــرابة والاجنـــاب
وليا استوت للضيف كل المواجيب **** خذوا فلوسه منه والجوف منصــاب