[أبو صقر]

اضافه
هذه قصيده لاحد ابناء السرحان بابن حباب حاكم الجوف الذي قتله حسن بن سلامه الراشد وصوره لقصر قدير من منتدى السرحان

شنّف السّمع واطرب ساكن الجُوْبَهْ=ياحَسِيْن ْ السجايـا دوك الأمثالـي
ولاتناشدْ رْبُوْعِيْ كيف فـازوا بـه=بالسّيوف الهنادِي صِقْـلْ وثْقَالـي
محنّياتٍ تـلالا تفْـرِضْ الطّوْبَـه=كيف فرض العصَب مايهون ويهالي
ملاعبين الأسنـه وقـتْ مَطْلُوبـه=تحت بيرق ( عذيّا ) معرّب الخالي
وواحدٍ بالطّرب يلعـب بساحوبـه=وواحـدٍ بالنّياحَـه يبكـي الغالـي
أشهدْ انّ القوامـه شـرّ طالوبـه=والحـرام بجبينـه ماكـثٍ سالـي
مار !! لاعدّت الأفعال وشّـو بـه=نكمي العلـم والجـدّان الأبطالـي
كم قصورٍ علوها واستحلّـوا بـه=والموارد خذوها وقـتْ الامحالـي
وإن بغيت الشّواهد دوك ماجوبـه=وافطن لقولتـي ياقـرم الاشبالـي
بقلعة قدير جـدّي حاكـم الجوبـه=من نضانيض حفْدْ حبَـابْ ريبالـي

[img][/img]



ماتبقّى من أطلال قلعة حاكم الجوف السابق ابن حباب السرحاني

بيـن قـارا وبيـن طويـر منصـوبـه=قَلْعـةٍ فـوق حيـدٍ بالسّـمـا عـالـي
شـف رسومـه وحلياهـا وصاعـوبـه=باقيـاتٍ علـى التّـذكـار وأطـلالـي
لانظرتـه وربّــي جـتـك راعـوبـه=تصطلـي خافقـك والعهـد بـه بالـي
كيف باللي حضرهـم يـوم حلّـوا بـه=عصـم الأشنـاب تاطـا كـلّ بطّـالـي
عزوتـي لابـتـي لاشــكّ منجـوبـه=من بني عمرو ْ وطي ْ وعَقْبهم تالي
والموارد خذوهـا وغصـب عيّـوا بـه=يوم شهـب السنيـن ويتْـم الأطفالـي
وفـوق قـبّ المهـار لياتعلّـوا بــه=طيور حوران شبـه المحـرِق الصّالـي
والدّويـلاتْ سبـع و عدّهـن نـوبـه=والمْصَع ْ ينبـي الطّرقـي عـن التّالـي
وادي السـرّ والسرحـان نشبـوا بــه=نشبـة الحَيْـد يـوم البـدو رحّـالـي
وادي (ن) للنّفـاخ ويـوم طبّـوا بــه=كـم ْ عقيـدٍ عقـب عـزّه بـالاذلالـي
صار مكتـوف والورعـان شمتـوا بـه=والعـذارى زغاريـده لـه اصهـالـي
لابـتـي بالمـلاقـا تكـشـر نيـوبـه=عقب ليـن الجنـاب تشـوف الاهوالـي
ولابتـي بالملاقـا شـبـه نيصـوبـه=مـن وقـع ماطلـع ياكـود يحتـالـي
ولابتـي بال(بويضـا) لاتناخـوا بــه=(كيف شيبان عـن الشـرّ جهّالـي)(1)
ولابتـي تعطـي الخِـطّـارْ مطلـوبـه=صبّابـة السّمـن بالقيعـان ماتبـالـي
أولاد سرحـان والأشنـاب معصـوبـه=حمـر الأحـداق يـوم العقـل مِيّـالـي
أحمد الله وأتـوب مـن الخطـا توبـه=كـان درْب الفخَـر للـذّنـب شيّـالـي
وان ذكرت المفاخـر كـم لنـا حوبـه=كـان عمـري وعمـرك زاد الاميالـي
ماحصينـا عددهـا وكـم لنـا جـوبـه=بالشـرف نرفـع الهـامـات بالعـالـي
ومن نقد ينقـد اهـل العِـرْف باسلوبـه=القبايـل تفـاخـر والعـتـب زالــي

تحيتي ......

آخر تعديل أبو صقر يوم 31-Jan-2008 في 12:35 PM.