ابكي خفى واخاف من كلمة اللوم = ابكي خفى خايف من اهل الشماتي
ماهوب ضعف ابكي من الوقت مضلوم = مقهور انا من شين واقع حياتي
انا الوحيد اللي من الناس محروم = ومافيه مخلوقٍ جراله سواتي
انا مزيج احزان والآم وهموم = ياجاهلٍ فيه ترى ذي صفاتي
والله ماعمري تهنيت لو يوم= كن الزمن يسعى لتحطيم ذاتي
ياناس انا حقي من الناس مهضوم = وقتٍ على الشينات حنى حصاتي
انا غريب اوضاع في عالم اليوم = مالي لزوم ومنوتي هي وفاتي
(عبد المجيد سعد الممخور )