[سيف النير]

الأخوة أعـضـاء مـنـتـديـات الـهـيـلا

هذه القصيدة للشاعر الرائع / محمد الحويماني النفيعي

وهو مشارك الآن في برنامج ( شاعر المليون ) النسخة الثانية

وهذه القصيدة هي التي أجازته اللجنة فيها , وانـتـقـل لـمـرحـلـة الــ 48

لأنه شاعر رائع ويستاهل

وهذه القصيدة هي في أخوه التوأم فهد في يوم زواجه

وهذه هي قصيدته :

يافهد من شفت زولك بينهم روح خيالي = يقطع بحور الزمان الاولي عرضه وطوله
قمت اهوجس واتذكر طيشنا ذيك الليالي = يوم كنا صغـــــــار تحكمنا برأات الطفوله
يوم كان اقصى طموح لنا ... نروح لبيت خالي = وكيف كنا ننتهي من واجب ( الخط وأصوله )
اذكرك ... يومك تجيني ... كنت انا جالس لحالي = واتفقد جيب ثوبي وألعــــــن الفقر وفضوله
يوم شفتك ... هل دمعي ( يافهد دور ريالي ؟ ) = وانت تمسح دمعتي بايديك ... وأحساس الرجوله
تقطع ريالك .. تقول ( أمسك ولاتبكي قبالي ) = وكننا من بعد هذا كل مانبغى ....ننـــــــــوله
وأذكرك يوم انت تلبس غترتي ...ولا عقالي = ثم تجلس في مكان ابوي ... وعيوني ذهـــوله
والله انك يافهد في وقتـــــــها شكلك خيالي = والله انك كل مالديت .. اقول الزول زوله
يافهد والخمسه وعشرين مرت ياظلالي = قدر الله والسنين بطبعها دائم عجوله
يافهد وانت الوحيد اللي يعرف ان ضاق بالي = قبل ماشكي قبل مادمعي يبادر في هطوله
يافهد وان شفت دمعي يوم عرسك لا تبالي = كل مافي الامر فرح ماقدرت انطق واقوله !!

صـح لـسـانـه , وفـالـه الـبـيـرق

وحـفـظـكـم الـلـه مـن كـل مـكـروه

والـسـلام عـلـيـكـم ورحـمـة الـلـه وبـركـاتـه


أخـوكـم / سيف الـنـيـر .