المرجله ماهي لغير الرياجيل=
=ولا هي بمقصوره على احد من الناس
والحض وفقهَ والليالي مقابيل=
=والمكسب من المرجله رفعت الراس
واللي فهمها غير يحتاج تبديل=
=لمفهومه الخاطي وتعديم الإحساس
مفهومها جاه وكرم مع مفاعيل=
=وشجاعة الرجل لها مصدراساس
واللي يحسبها تجارة محاصيل=
=وفي كل يوم يشوف وش زادت قياس
ولاهو محسبها لكرام المشاكيل=
=وسدت لزوم تبدي لكل قرناس
هذاه حقه عنه تعدى الفناجيل=
=ويصير بنكه مرجعه بنك الإفلاس
واللي تصحبه العبر والتماثيل=
=تلقابه الأربع والمال مخماس
تلقاه مثل ادللاً بحلقها الهيل=
=وفي كل مجلس له بعاليه مجلاس