بسم الله
اخواني واخواتي مشرفي واعضاء
منتدى الهيلا عتيبه
اخوني واخواتي الزوار
اطرح بين ايديكم هذه المشاركه ولكم مني كل التحيه والتقدير
مرت ثلاث اليال والنوم ماذيق =سبة غزالٍ تل قلبي بقوه
من مبتدى ليلي ليا فكة الريق=أقول راح اليل واليل توه
وأصبحت من كثر الهواجيس ماليق=كني على بعض السوالف مفوه
حرق فوادي ناعس الطرف تحريق=أشعل عليه ناعم العود ضوه
لولا الضلوع الحانيه والمعاليق=أعلى سمى قلبي يحلق بجوه
أزين الاخلاق وارجى التوافيق=واثر هوى بالي مسوي فتوه
أركى عليه صاحبي فوق ماطيق=ماكني الا يوم افكر عدوه
ماكبر مكايد لابسات العشاريق=ما فيه في شرع المحبين اخوه
حتى ايش لو سويت محضر وتحقيق=مافيه للعشاق قاضي وقوه
الله ماقشر حضكم يالعشاشيق =عيشة نكد ما عاد فيها رفوه
يا نابي الارداف من غير تدقيق=أ للي تطوله يا تلع الجيد سوه
أدري بقلبي مايبيله تلاحيق=وأنا ادري انه ما بقلبك مروه
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|