اعزائي رواد هذا المنتدى
اول مشاركاتي اردت ان اعرض هذا القصيده
للشيخ نايف بن مقحم بن حازم بن عصاي
وهي من اجمل القصائد اللتي سمعتها وان شالله تعجبكم وصح اللسان قايلها
يامل قلبٍ
يامل قلبٍ من الهوجاس يلفّي
_______________- كما يلف الهوى عشبٍ يبس عوده
أحسابه اقفى وهو عنه المطر كفّي
________________ وطار الورق واقرشن النود بعضوده
من هم دنيأ مغير اندفها دفّي
_________________ يبحلبها الرجل لو يجيب مجهوده
أركض بها مير ماصارت على شفّي
___________________والكبد منها ليا برقت ملهوده
دنياً تخلي ثقيل العقل يختفّي
________________ ليا صار يفهم بنقص الوقت من زوده
أحدٍ تهفه مع الحزم النحا هفّي
__________________ وأحدٍ تسهله المخراج والعوده
مليت منها وعنها خاطري عفّي
___________________ حيثٍ الأيام فيها شبه محدوده
صيور الأنسان مهما عاش متوفّي
____________________ويرجع لما قدمه قدام معبوده
الرابح اللي ليا من الكفن ضفّي
_________________ يلقى مساعيه عند الرب محموده
في ماقفٍ كل ماسويت ماخفّي
__________________ تبرز فعايلك بين أيديك مجروده
___________________________________________
وله من القصايد الجميله الكثير
وسوف اعرض له القصيده المشهوره
لا شدو البدو شرق ارماح &&& شديت من عرض من شدي
وتقبلو تحياتي