السلام عليكم ورحمة الله وبركاته
عضو جديد واتمنى قبول الترحيب
حبيت اشارك بهذه القصيدة المتواضعة في منتدى قبائل الهيلا وهي اهداء من أخوكم/ تركي بن سعد المرسي العضياني الحارثي إلى الاستاذ نياف العتيبي مدير شؤون الموظفين بإدارة التربية والتعليم بمحافظة الطائف وتقبلو تحياتي
النفس والأيام تتصارع على طول الحياة = وانتاجها الخبره وتمييز الرجال انتاجها
نعيش في الدنيا الين العمر ياصل منتهاه = وفي كل يوم تلفنا الدنيا على دولاجها
والطيب يعرف للعرب دايم من اللسنة الرواه = ودايم ترى الجزله يبين للعرب مخراجها
وانا الزمن في كل يوم ايشيل في وجهي عصاه = واحتاج للي فاللوازم تحتمي محتاجها
احتاج للي تبذل الجزله لخلق الله يداه= وفعله على نفس العليل افراحها وعلاجها
مثل القمر يقدي الساري ويسري في سناه = وأهل الكرم في ما مضى يجذب شعاع اسراجها
ولو الرجولة تنكتب على الوجيه وفالجباه = ان كان في نياف كتبت واشهد انه تاجها
شامخ شموخ طويق ويذري لخلق الله ذراه = وعينه لمن ينصاه دايم مسفهل احجاجها
وياقف مع المضهود ويدله على درب النجاه = ولو ما يعرفه ذي جبله ناهجاًمنهاجها
حاش الشكاله والشجاعه والمعرفه من صباه = وفي سلم العليا رقى وانهى جميع ادراجها
ولاهي غريبه لابته للمعتدي سقمه عماه = ذبَاحت الحايل وبالقاله هرج هراجها
عتيبه الهيلا هل العليا مطوعت العصاه = دايم على البيدى تشيد أقصورها وابراجها
جيته مضيع وجهتي مدري منين الاتجاه = وقف وساندني وروحه ما قصدت احراجها
والله مهماقلت في نياف مالحق جزاه = لكن هاذيه هديه والعبير امزاجها
والحارثي ما قال هذا القول يرجي من وراه = لكن شهادة حق والدنيا هذه انتاجها