[عبدالرحمن الهيلوم]

اوقاتكم بكل خير
يسعدني ان اعرض على انظاركم وعقولكم هذه القصيدة
راجياً ان تنال ولو بعض رضاكم وهي من روائع الشاب شاعر الهوالمه

القادم بقوه (( خالد بن سعد شباب الهيلوم ))





ياسايـق الفنجـال للعـود عـدّه
اللي مـع الجـلاس كنّـه لحالـه
ان كان تعرف قيمة النـاس بـدّه
قدّام من يمـلا المجالـس جهالـه
وقـدّام مـن يستحقـره مايـودّه
وقدّام من يرفـى خمالـه ريالـه
هذا من اتلى اهل النظـا والاشـدّه
اللي لهم في كـل مركـاض قالـه
قلط عليك ظـروف وقتـه تحـدّه
الله لايجـزى الحسانـي عيـالـه
مايملك اللا اللـي تشوفـه بيـدّه
اللي ليا مـال ركـزه وارتكالـه
وقته ونصف اهل اخر الوقت ضدّه
مشيبـه ميـل الزمـان وعدالـه
وطيّب ومرهقتـه حيـاة المكـدّه
ولايرهق الرّجال غيـر الشكالـه
وصبيت فنجالـك وطرفـك تلـدّه
للّي من امـوال المرابيـن مالـه
اللّي يحسـب ان المراكـي مخـدّه
يميـل ويمـدّ القصـار الجلالـه
واليا هرج لو يقف فالريـع سـدّه
وبالفعل مافـال النشامـى بفالـه
وعن الصحن لاحطّ محدن يـردّه
تقل معه من كـل حاظـر وكالـه
وليا وصل بطنه من الـزاد حـدّه
غسّـل يديـه وقـام يسبرنعالـه
والمشكلـه يلقـى رجـالٍ تعـدّه
قدم النشامـى طايلـة كـل طالـه
وتنزلـه منـزال ماهـوب قـدّه
والبكر اله فنجـال والـلا بيالـه
وانته معزّب ولـك مـدّه وضـدّه
والحـق للّـي شايباتـن سبـالـه
اللي قلط وظـروف وقتـه تحـدّه
ولاذاق من دلتـك غيـر الحثالـه


وسلامتكم جميع
محبكم (ابوداحم ))

آخر تعديل عبدالرحمن الهيلوم يوم 14-Jan-2008 في 07:36 AM.