اقتباس:
المشاركة الأصلية كتبت بواسطة معي سلام
1245هـ السبية : بني خالد ومعهم عنزة ومعهم مطير وسبيع ضد ابن سعود ومن معه من
قبائل الدواسر وقحطان وغيرهم وانتصار ابن سعود وهروب مطير .. 1246هـ
|
ههههه دليل على انك لاتعي التاريخ ولاتعرفه
طيب دامك في هالمناخ وش اخذتو من ديار ووش غنايمك اللي خذتها مقابل دخولك وفزعتك مع ابن عريعر
ووش خذت الدواسر وقحطان من غنايم في هذا المناخ ، هل أخذت من ديار ابن عريعر شي ..؟ ام لا
هذا فقط دليل قاطع على عدم أستيعاب عقلك لمثل هذي الأمور
فعشان كذا اطلع منها بالله او عطني من قصايد ابن هذال او احد من شيوخ قحطان يثبت دخوله فالسبيه
ووشلون اصلاً سبيع تصير مع الخوالد وهم يبون يتقاظون من السبعه اللي ذبحهم ابن عريعر
اخوي السبيه بين سبيع وبين الخوالد فقط والسبّـه هو ذبح ابن عريعر للجذعان العزّه اللي حافو ابله الطوافح فغزت عليه سبيع بقيادة عسّاف ابوثنين وجلّته من دياره بعد مناخ دام طويلاً وذبحو فغران ابن عريعر من اشد فرسان الخوالد وذبح اخو سالم وذبحو كثير من فرّيس الخوالد وبذّات من العريعر وهرب ماجد ابن عريعر باللي بقا من ربعه إلى الحسا
وإليك قصيدة الشاعر عبد الله ابن ناصر ابن شيحان الجبري التي تشرح لك ما قلت :
ابن عريعـر زعيـم وحاكـم زادي = حمّاي بيض الحبارى في براريهـا
شد الجميميل في تال الدبش عـادي = وقال اذبحوهم ولا حسّـب لقافيهـا
ومنها السبيعي تنكّد كـل الأنكـادي = ودراهم السّوق ردّوهـا لراعيهـا
طاح الحيا والحيا للقـوم ميعـادي = والكل منهم يبـي وردت خباريهـا
ابن عريعر يعقـل شقـح الأذوادي = في راس حزوى بيوت الحرب بانيها
وسبع القبايل مع ابن عريعر تفادي = والحرب نارً حطبها اللي يصاليهـا
وسبيع جو فالسبيّه حسب الأوعادي = يوم الخباري تملّت مـن سواقيهـا
والحرب من بينهم قادوه وانقـادي = والخيل تظهر لها خيـلً تشاريهـا
حربً ضروس تقص الروس بحدادي = دارت رحاها وتطحن من جماهيهـا
فغران خلّي طريح عطي ما جـادي = قامت تنكّس على راسـه حناديهـا
وماجد وقومً معه طقّـو لبغـدادي = وزيد حدر للحسـا متخفّـيً فيهـا
وخلا المعقّل وخلا بيوت الأجـوادي = والشرع والزاد والشونه وما فيهـا
سبّة ركيب ذبحهـم جالـه منـادي = من والي العرش للي قايمن فيهـا
هذا حسب ما سمعناه من الأجدادي = والناس تنقل مـن اولّهـا لتاليهـا