بندر الهيلا
سلام ومرحبا ياعزوتـي لاضاقـت الايـام=سلام(ن) من ولدكم ياخوال افضل عبـاد الله
انا اشوف العطاوي صامت وحطوه ربعه عام=ولا جاب الوضع من فوق يمكن معجب الشلّه
سارح البال
هلابك والتحيه واجبه في شرعنا الاسلام=وسنه جابها المرسول يابندر لخلـق الله
تشوفه فالحقيقه ياعميل الخير والا احلام=وعساك ان شفت يابندر طريق الحق تدله
بندر الهيلا
يدوم الك البقا... والغزو يلزم فارس(ن)ضرغام=وخيل(ن)دون خيال(ن)..سيوف(ن)مالها سلّـه
مادامك عارف اللجنه.. توص بذولـي الايتـام=اشوف علومهم زينه ..على المبدا ..على الملّـه
سارح البال
ليا جات الحروف حروف يابندر وجات ارقام=اباك تقول وين الرقم لامـن جيـت تحتلـه
ليا من قصرت شبورك عن الميدان ياهمـام=ترا محدن يوديك لمكانن منـت كفـوٍ لـه