[سيف النير]

مسابقة ( شـاعـر الـمـلـيـون ) الموسم الثاني

مـرحـلـة الــ (48 ) شـاعـر




الشاعر الكبير ( خالد بن محمد العتيبي ) من المملكة العربية السعودية

صورة الشاعر المحبوب ( خالد بن محمد العتيبي )



ماشاء الله عليك يا نسل الأحرار , هزيت مسرح الراحة هز




قصيدة الشاعر الكبير ( خالد بن محمد العتيبي )

التي شارك بها في الحلقة الثانية من مسابقة شاعر المليون

,,,,,, يـذكـرنـي ,,,,,,

دعت سمرالجدايل وانتخت بالقذلة الهلة = تبي مني عروس للقصيد ازريت لاغويها

ويوم اني لقيت لها الخلود وجيت ابوصل له = تنحرك الكلام اللي فهقها دون مغليها

خضع لك راس مسبوق القصايد وانحنى كله = وانا بك شاعرالدنيا ومشغلها وماليها

يذكرني رحيلك مجلس باق على حله = مداهيل الرجال اللي تنومسنا مواطيها

هنا سليت سيف يوفي الثارين من سله = هنا علقت رمح يطعن الجوزا ويطفيها

هنا بينت مصحفك الكريم ودلنا دله = معك نبدا مواعيد الكلام وننتهي فيها

هنا ساقيت غصن من غلا كنا تحت ظله = نسولف بالغنا يا بايع الدنيا وشاريها

هنا كان الرجال جبال ما تقبل خنا الزلة = عمايمها سحاب وابله باقي مواظيها

رجال لو تشوف الماء غدر ما شربته لله = نبت عشب الرضا يا سيدي بأول مغازيها

هل التوحيد وكنوز العلوم ونصرة الملة = رجال يضحك التاريخ لولها وتاليها

هنا ماضيك ورياض الخليل اللي رعى خله = شربنا عذبها مدري لعبنا في مغانيها

هنا تخنقني العبرة وانا اكتب يا رسول الله = على قبرك نسيت الناس حاقدها وحانيها

وابو قبر يتيه من الفخر بالبيد وتجله = على حسد تبين من سمايمها وصاليها

ويهناك الوفا قبر يضمك في ثرا تله = ما دامه بين فردوس الجنان وبين منشيها

وانا لامن ذكرت فراقك اللي في يدي غله = نسيت ان الليالي شيبتني من بلاويها

على بعد الزمان اللي يعقد الحبل ويحله = ليامني ذكرتك طاحت الدمعة وراعيها

سلام الله ما هز الصبا نسرينه و فله = على الطفل اليتيم اللي عطى الدنيا معانيها



تحميل فيديو قصيدة الشاعر الجماهيري ( خالد بن محمد العتيبي )

اضغط على الرابط الـتـالـي للمشاهدة :

http://www.arabseyes.com/million/%ce...d%202%2048.wmv



وقد حصل على تصويت الجمهور على النسب التاليه :-

ممتاز 93%
جيد 4%
متوسط 3%



نتائج تقييم اللجنة :





نتائج تصويت المشاهدين :





نتمنى للشاعر الكبير ( خالد بن محمد العتيبي ) التوفيق والنجاح

وبإذن الله سوف يتأهل للمرحلة القادمة بوقفة ربعه معه ومحبيه

ومخلفة الهقاوي سوف تقلب الموازين مرة أخرى كما فعلتها من قبل في النسخة الأولى

,,,,, وأخـيـراً ,,,,,

هذه بعض المعلومات جمعتها خصيصاً لكم

واعذروني على القصور

وحفظكم الله من كل مكروه

والسلام عليكم ورحمة الله وبركاته


أخـوكـم / سـيـف الـنـيـر .

آخر تعديل سيف النير يوم 03-Jan-2008 في 10:23 PM.