يازين سج القدم باطراف عصرية=في ديرة يستريح البال لاجاها
جاياً عليها قبل يومين سيليه=ترقص زهور النبات الخضر مع ماها
يوم الولي ساقها مع درب وسميه=كن الفياض الخضر كانت تحراها
مكتسية بالنبات تقول زوليه=منوتك يامقزرا وقتك تمناها
ترمي همومك ورا لا مالت الفية=مع درب وضح يتل القلب ممشاها
وضح على كيف راع الصنف منقية=تبهج قلوب الشقاويه وتشعاها
لو مر عجلان فكسار الشراطية=يفرمل بسايقه قبل يتعداها
ماهيب بالرخص مبيوعة ومشرية=بلقيس لو حط ماله ماتقفاها
ممشاك معها ولو لحظات رمزيه=تنسى المشاريع وأم فلان تنساها
(هاذي طرات العمر والعمر عارية)=دنياك لو امهلت لك تقصب رشاها
والاجل مكتوب والحسنات والسية=قدام عينك نهار الحشر تلقاها